ޙައްޖުގެ މަތިވެރި އަޅުކަން އަދާކުރުމަށްފަހު ދިވެހި ޙައްޖުވެރިންގެ ފުރަތަމަ ފުލައިޓު ރާއްޖެ އައުމަށް ފުރައިފިއެވެ.
ހާޖީން ފުރާފައިވަނީ މަދީނާގެ ޕްރިންސް މުޙައްމަދު ބިން ޢަބްދުލްޢަޒީޒް އިންޓަރނޭޝަނަލް އެއަރޕޯޓުންނެވެ.
ދިވެހި ޙައްޖާޖީން ކުރީގެ އަހަރުތަކުގައި މަދީނާއަށް ޒިޔާރަތްކުރުމަށްފަހު، އެނބުރި މައްކާއަށް ދަތުރުކޮށް، މައްކާއިން ދަނީ ޖިއްދާއައްދާއިރު، އެ ދެމެދު 6 ގަޑިއިރުގެ ދަތުރެއް ކުރަންޖެހެއެވެ. އަދި މައްކާއާއި ޖިއްދާއާއި ދެމެދު 2 ގަޑިއިރުގެ ދަތުރެއްކުރަންޖެހެއެވެ. ނަމަވެސް މިއީ ދިވެހި ޙައްޖާޖީން ޙައްޖުގެ އަޅުކަމަށްފަހު މަދީނާ އެއަރޕޯޓުން ފުރި ފުރަތަމަ ފަހަރެވެ.
މިއަހަރު ޙައްޖުގެ އިންތިޒާމުތައް ފަސޭހަކޮށް، އަދި ޙައްޖާޖީންނަށް ލުއިގޮތްތައް ހޯދައިދިނުމަށް ސަރުކާރުން ކުރި މަސައްކަތުގެ ދަށުން ގެނައި އެންމެ ބޮޑު އެއް ބަދަލަކީ ޙައްޖާޖީން މަދީނާއަށް ޒިޔާރަތްކުރުމަށްފަހު މަދީނާއިން ރާއްޖެ ދިއުމަށް ފުރުމެވެ.
ދިވެހި ޙައްޖާޖީން އެނބުރި ޤައުމަށް އަންނަ ފްލައިޓް ވެލާނާ އިންޓަރނޭޝަނަޮލް އެއަރޕޯޓުގައި ޖައްސާނީ މިއަދު މެންދުރު 14:00 ގައެވެ.
