ގަވާއިދާ ޚިލާފަށް އުޅެމުންދިޔަ 31 ބިދޭސީން މޯލްޑިވްސް އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަންގެ ޓާސްކްފޯސްއަށް ލިބިފައިވާ ގިނަ އަދަދެއްގެ ރިޕޯޓުތަކާ ގުޅިގެން، މާލޭގެ ދިލްބަހާރުމަގުގައި ބިދޭސީންގެ ނުފޫޒު ބޮޑުކަމަށް ބެލެވޭ ވިޔަފާރިތައް ހިންގާ ތަންތަން އިއްޔެ ވަނީ ބަލައިފާސްކޮށްފައެވެ.
އިމިގްރޭޝަނުން ބުނެފައިވަނީ މި ރެއިޑުގައި އެ ސަރަހައްދުގައި ހުރި އެކި ވިޔަފާރިތައް ބަލައިފާސްކޮށް އެތަންތަނުގައި މަސައްކަތްކުރާ ބިދޭސީންނަކީ ސައްހަ ލިޔެކިޔުން ތިބި ބައެއްކަން ކަށަވަރުކުރުމުގެ މަސައްކަތް ކުރި ކަމަށެވެ. އެ ހަރަކާތުގެ ތެރެއިން ގަވާއިދާ ހިލާފަށް އުޅޭ 31 ބިދޭސީއަކު ހޯދައި އެމީހުން އެ އިދާރާގެ ބެލުމުގެ ދަށަށްވަަނީ ގެނެސްފައެވެ.
އިމިގްރޭޝަނުން މިފަދަ އޮޕަރޭޝަންތައް ކުރިއަށްގެންދާ މައިގަނޑު މަޤުޞަދަކީ، ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލައަށް އަވަސް ހައްލެއް ހޯދުމެވެ.
