ދިވެހިރާއްޖޭގެ 60 ވަނަ މިނިވަން ދުވަހުގެ ތަހުނިޔާ ރާއްޖޭގެ ރައީސުލްޖުމްހޫރިއްޔާގެ އަނބިކަބަލުން، ފަސްޓް ލޭޑީ މެޑަމް ސާޖިދާ މުހައްމަދު ފޮނުއްވައިފިއެވެ.
އެކްސްގައި ކުރެއްވި ޓްވީޓެއްގައި މެޑަމް ސާޖިދާ ވަނީ ރާއްޖޭގެ މިނިވަން ދުވަހުގެ ތަހުނިޔާ ދިވެހި ރައްޔިތުންނަށް އަރިސްކޮށް، މި ޤައުމަށް އަލިިވިލޭ ކޮންމެ ދުވަހަކީވެސް މިނިވަންކަމުގެ އުފާވެރި އިހުސާސްތަކުގައި ދިވެހިން ލަހައްޓަވާ ދުވަހެއް ކަމުގައި ލެއްވުން އެދި ދުއާ ކުރައްވާފައެވެ.
https://x.com/sajidhaamohamed/status/1948973255488143802
ދިވެހިރާއްޖޭގެ މިނިވަން ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެވެސް ޖުލައިމަހުގެ 26 ވަނަ ދުވަހެވެ. އެގޮތުން، މިއަހަރު ފާހަގަ ކުރަމުން މިދަނީ ރާއްޖޭގެ މިނިވަން ކަމަށް 60 އަހަރު ފުރޭ މިނިވަން ދުވަހެވެ.
