ސްޓެލްކޯއިން މިއަދު މާލޭގެ ބައެއް ސަރަހައްދުތަކުން ކަރަންޓު ކެނޑިދާނެ ކަމަށް އިއުލާންކޮށްފިއެވެ. އެ ކުންފުނީގެ ކަރަންޓުގެ ވިއުގަ އަޕްގްރޭޑްކުރުމުގެ މަސައްކަތަށްޓަކައި، މެންދުރުފަހު އަދި ހެނދުނު ވެސް ބައެއް ސަރަހައްދުތަކުން ކަރަންޓު މެދުކެނޑިފައިވާ ކަމަށް ސްޓެލްކޯއިން ވަނީ ބުނެފައެވެ.
ސްޓެލްކޯއިން މީސްމީޑިއާގައި ކުރި ޕޯސްޓެއްގައި ބުނެފައިވާ ގޮތުގައި، މިއަދު މެންދުރުފަހު 14:00 އާއި 14:30 އާ ދެމެދު، މާލޭގެ އައިމިނާރަނި ހިނގުން، އަމީނީ މަގު، ފަޅުމަތީ މަގު، ބޮޑުތަކުރުފާނު މަގު، ބުރުޒު މަގު، ރަށްދެބައި ހިނގުން އަދި ސިއްތިމާވާ ހިނގުން ހިމެނޭ ސަރަހައްދުތަކުގެ ބައެއް ތަންތަނުން ކަރަންޓުގެ ހިދުމަތް މެދުކެނޑިދާނެއެވެ. މި މަސައްކަތަކީ ކުންފުނީގެ ކަރަންޓުގެ ވިއުގަ އަޕްގްރޭޑްކުރުމަށް ކުރިއަށްގެންދާ މަސައްކަތެއް ކަމަށް ސްޓެލްކޯއިން ވަނީ ބުނެފައެވެ.
މީގެ އިތުރުން، މިއަދު ހެނދުނު 10:00 އާއި 11:00 އާ ދެމެދު، މާލެ ސިޓީގެ ބޮޑުރަސްގެފާނު މަގު، ޗާންދަނީ މަގު، ދެވިނަ މަގު، އެނބޫ ގޯޅި، ގުލްއަލާ ގޯޅި، އިސްކަންދަރު މަގު، ޖޯޝީ ހިނގުން، ކުރިކީލަ މަގު، މަދޮށި ގޯޅި، ނިކަގަސް ހިނގުން، ނިކަގަސް މަގު އަދި ރަނައުރާ ގޯޅި ހިމެނޭ ސަރަޙައްދުގެ ބައެއް ގެތަކުން ވެސް ކަރަންޓުގެ ޚިދުމަތް ވަނީ މެދުކެނޑިފައެވެ. މިކަން ވެސް ކުރެވިފައިވަނީ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް ކަމަށް ސްޓެލްކޯއިން ބުނެއެވެ.
ސްޓެލްކޯއިން ވަނީ ކަރަންޓު ކެނޑުމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް މައާފަށް އެދިފައެވެ.
