މާލޭގައި ހުންނަ މ. މާމުޓާ ކިޔާ ފަޅު އިމާރާތެއްގައި ރޯވި އަލިފާނެއް، އެމްއެންޑީއެފް ފަޔަރ އެންޑް ރެސްކިޔު ސަރވިސް، މާލެ ފަޔަރ ސްޓޭޝަނުގެ ފަރާތުން ކޮންޓްރޯލްކޮށް ނިއްވާލައިފިއެވެ. މި ހާދިސާ ހިނގިކަމުގެ ރިޕޯޓު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ މާލޭ ފަޔަރ ސްޓޭޝަނަށް ލިބިފައިވަނީ ރޭ ފަތިހު 04:11 ހާއިރުއެވެ.
އެމްއެންޑީއެފްއިން ބުނިގޮތުގައި، ރިޕޯޓު ލިބުމާއެކު މާލެ ފަޔަރ ސްޓޭޝަނުގެ ފަޔަރ ފައިޓަރުން ވަނީ ވަގުތުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފަށާފައެވެ. ފަޔަރ ފައިޓަރުންގެ ހަލުވި މަސައްކަތުން، އަލިފާން ނިއްވުމުގެ މަސައްކަތް ވަނީ ކާމިޔާބުކަމާއެކު ކުރިއަށް ގެންގޮސްފައެވެ.
އެމްއެންޑީއެފްގެ މަޢުލޫމާތު ދޭގޮތުގައި، ފަޔަރ ފައިޓަރުން ކުރި މަސައްކަތުން އަލިފާން އެއްކޮށް ނިއްވާލެވުނީ 04:46 ހާއިރުއެވެ. މިއީ ރިޕޯޓު ލިބުނުތާ ގާތްގަނޑަކަށް 35 މިނިޓުގެ ތެރޭގައި ކޮންޓްރޯލް ކުރެވުނު ހާދިސާއެކެވެ.
މި ހާދިސާގައި އެއްވެސް މީހަކަށް އަނިޔާއެއް ލިބުނުކަމުގެ ރިޕޯޓެއް ލިބިފައި ނުވާކަމަށް އެމްއެންޑީއެފްއިން ވަނީ ހާމަކޮށްފައެވެ. އަލިފާން ރޯވި ސަބަބާއި، އިމާރާތަށް ލިބުނު ގެއްލުމުގެ ތަފްސީލު އަދި ހާމަކޮށްފައި ނުވެއެވެ.
