މިހާރު ދިމާވެފައިވާ އެންމެ ބޮޑު މައްސަލައަކީ ރައީސް ޔާމީނަށް މި ވެރިކަން ހަޖަމް ނުވުން ކަމަށް އިކޮނޮމިކް މިނިސްޓްރު މުހައްމަދު ސައީދު ވިދާޅުވެއްޖެއެވެ.
ސައީދު މިހެން ވިދާޅުވީ ރައީސް ޔާމީނު ރޭގެ ޕީއެންއެފް ބޭފުޅުންނާއި އެކު ބޭއްވި ބައްދަލުވުމެއްގައި ދެއްކެވި ވާހަކަފުޅަކާއި ގުޅިގެންނެވެ. އެގޮތުން ރައީސް ޔާމީން ވިދާޅުވީ ޑޮލަރުގެ އަގު މިހާރު ވަނީ ވަރަށް ބޮޑަށް ދަށްވެފައއި ކަމަށެވެ.
މިގޮތަށ ޑޮލަރު ދަށްވާން ދިމާވާ ސަބަބަކީ މަޝްރޫއުތައް ހުއްޓާލާފައި އޮތުމުން ކަމަށް ޔާމީން ވަނީ ވިދާޅުވެފައެވެ.
މި ވާހަކަފުޅަށް ރައްދު ދެއްވަމުން ސައީދު ވިދާޅުވީ ވެރިކަން ކުރެއްވުމަށް ފަހު، ވަޑައިގަންނަވާ ބޭފުޅުންނަކަށް ވެރިކަން ކުރައްވާ މަންޒަރު ހަޖަމު ނުވާނެ ކަމަށެވެ.
ސައީދު ވިދާޅުވީ ރައީސް ޑރ. މުހައްމަދު މުއިއްޒުގެ ވެރިކަން ފިޔަވާ ކާމިޔާބު ކަމާއި އެކު ވެރިކަން ކުރައްވާ ސަރުކާރެއް ނެތް ކަމަށާއި، ކުރިން ފާއިތުވި ވެރިކަންތަކުގެ ސަބަބުން ތަރައްގީ ކުރެވެންޖެހޭ މިންވަރަށް އޮތީ ނުކުރެވިފަ ކަމަށެވެ.
“އެތައް ވެރިކަމަކުން ނުހޯދާ އެތައް ކުރިއެރުމެއް މިވަނީ ރައީސް މުއިއްޒުގެ ވެރިކަމުގައި ހޯދާފައި. މިއީ ހުރަސްތަކާއި އެކުވެސް ހޯދި ކާމިޔާބީ ވެރިކަމެއް.” ސައީދު ވިދާޅުވިއެވެ.
ސައީދު ވިދާޅުވީ މިހާތަނަށް ނުފެށި ހުރި ހުރިހާ މަޝްރޫއުތައް ވަރަށް އަވަހަށް ފެށޭނެ ކަމަށާއި، އެފަދަ މަސައްކަތްތައް ރައީސް އަމިއްލަފުޅަށް މޭޒަށް ގެންގޮސްވެސް މިހާރު ފެށުމުގެ ނަތީޖާ އަކީ ބާރު ސްޕީޑްގައި ތަރައްގީ ކުރިއަށް ދެވުން ކަމަށެވެ.
