ފިހާރައަކުން ފޯނެއް ވަގަށް ނަގާ މަންޒަރު ފެންނަ ވީޑިޔޯއެއް އާންމުކުރުމަށްފަހު އެ މީހާ ހޯދަމުންދާ ކަމަށް ފުލުހުން ހާމަކޮށްފިއެވެ.
ފުލުހުން އާންމު ކުރި ވީޑިއޯއިން ފެންނަނީ ފޯނު ކޯލެއްގައި ހުރި މީހަކު ފިހާރާއަކަށް ވަަންނަ ތަނެވެ. އޭރު ފިހާރައިގެ ސޭލްސްމަނަކަށް ހުރި ފަރާތުން ހީވާގޮތުން ފޯނުތައް ހުރި ކަބަޑުކަހަލަ ދިމާއަކަށް ތިރިވެގެން ކޮންމެވެސް މަސައްކަތެއްގައި ހުރި ކަހަލަ ގޮތަކަށް ފެނެއެވެ.
ފުލުހުން ބުނީ ވީޑިއޯ އިން ފެންނަ މީހާއަކީ ގަލޮޅު ޕޮލިސް ސްޓޭޝަނުން ތަހުގީގުކުރަމުންދާ، 2024 މާރިޗު 18 ވަނަ ދުވަހުގެ ވަގުތެއްގައި މަޖީދީ މަގުގައި ހުންނަ ބަންކާ މޯބައިލް ފިހާރައިން މޯބައިލް ފޯނެއް ވަގަށް ނަގާފައިވާ މައްސަލައާ ގުޅިގެން ހޯދަންބޭނުންވެ، ކާކުކަން ދެނެގަނެވިފައިނުވާ ފަރާތެއް ކަމަށެވެ.
ފުލުހުން ބުނީ ވީޑިއޯއިން ފެންނަ މީހާ އާބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެމަޢުލޫމާތެއް ގަލޮޅު ޕޮލިސް ސްޓޭޝަންގެ ނަންބަރު 9631699 އަށް ގުޅުއްވައި ހިއްސާކޮށްދިނުމަށް އެދޭ ކަމަށެވެ.
