ޕީއެސްއެމްގެ ޑިރެކްޓަރުންގެ ބޯޑުގެ މެމްބަރުކަމާއި މެނޭޖިންގ ޑިރެކްޓަރުގެ މަގާމަށް ގ.ދިލްކަޝް، މުހައްމަދު ސައީދު އައްޔަންކޮށްފި އެވެ.
އިއްޔެ ހަވީރު ޒީނާ ޒާހިރު ޕީއެސްއެމްގެ އެމްޑީ ކަމުން އިސްތިއުފާދެއްވުމަށްފަހު އެމަގާމަށް މުހައްމަދު ސައީދު އައްޔަންކުރިކަން ރޭގެ ލަސްގަޑިއެއްގައި، ޕީއެސްއެމްގެ މެނޭޖުމަންޓުންއެކުންފުނީގެ މުވައްޒަފުންނަށް އަންގާފާައެވެ.
އިނގިރޭސިވިލާތުގެ ޔުނިވަރސިޓީ އޮފް ބޯލްޓަން އިން ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓަރސް ޑިގްރީ ހާސިލް ކުރައްވާފައިވާމުޙައްމަދު ސަޢީދު ވަނީ އެޑިއުކޭޝަން މިނިސްޓްރީގައި ތަފާތު އެކި މަގާމުތައް ފުރުއްވާފައެވެ. މީގެ ތެރޭގައި ޑިރެކްޓަރ ޖެނެރަލް ކަމުގެ މަގާމާއި ޕާމަނަންޓް ސެކެޓްރީކަން ހިމެނެއެވެ.
ޕީއެސްއެމްގެ އެމްޑީކަމުގެ މަގާމަށް ސައީދު ހަމަޖައްސަވައިވާއިރު އެމަގާމުން ޒީނާ ޒާހިރު އިސްތިއުފާދެއްވި ސަބަބެއް ސީދާ ހާމައެއް ނުކުރެއެވެ.
