ސަރުކާރު ބަންދު ނަމަވެސް މިއަދު ކަސްޓަމްސްގެ ޚިދުމަތްތައް ލިބޭނެ ކަމަށް އެ އިދާރާއިން ބުނެފިއެވެ.
މިކަން ހާމަކޮށް ކަސްޓަމުން އެކްސްގައި ޕޯސްޓެއް ކޮށްފައިވެއެވެ. މި ޕޯސްޓުގައި ކަސްޓަމުން ބުނެފައިވަނީ މިއަދު ސަރުކާރު ބަންދު ދުވަހެއްގެ ގޮތުގައި ހަމަޖައްސަވާފައިވީ ނަމަވެސް މާލޭ ސަރަހައްދުގައި ގާއިންކުރެވިފައިވާ ކަސްޓަމްސްގެ އޮފީސްތަކުން ޚިދުމަތް ލިބޭނެކަމަށެވެ.
އެގޮތުން މުދަލުގެ ލިޔެކިޔުން ނިންމުމާއި މުދާ ދޫކުރުން ކުރިއަށް ދާނެކަމަށް ކަސްޓަމްސް އިން ލިބޭނެކަމަށް ކަސްޓަމްސް އިން ބުނެއެވެ.މީގެ އިތުރުން އަދި އުޅަނދު ފަހަރަށް ކްލިއަރެންސް ދިނުމާއި ބޮންޑެޑް ވެއަރހައުސްތަކާ ގުޅޭ ޚިދުމަތްތައްވެސް ފޯރުކޮށްދެމުން ގެންދާނެކަމަށްވެސް ކަސްޓަމްސްއިން ބުނެއެވެ.
މިއަދަކީ ސަރުކާރު ބަންދު ދުވަހެއް ކަމުގައި ސަރުކާރުން ކަނޑައަޅާފައިވަނީ ގައުމީ ދުވަހުގެ މުނާސަބަތުގައެވެ. އިއްޔެ އަކީ ރާއްޖޭގެ ގައުމީ ދުވަހެވެ. މި ދުވަހުގެ ހާއްސަ ޖަލްސާ އެ މާލޭގެ އިތުރުން އުތީމުގައި ކުރިއަށް ގެންގޮސްފައިވެއެވެ.
