ހުކުރު ދުވަހު މަޣުރިބު ނަމާދަށް ފަހު، ސިލްސިލާކޮށް ކުރިއަށް ގެންދާ ދަރުސްތަކުގެ ތެރެއިން މި ހަފުތާގެ ހުކުރު ދުވަހު ރާއްޖޭގެ 24 މިސްކިތެއްގައި ދަރުސްތައް ބާއްވައިފިއެވެ.
މިޕްރޮގްރާމްުގެ ދަށުން މާލޭ ސަރަހައްދުގެ ނުވަ މިސްކިތެއްގައި ދަރުސްތައް ވަނީ ބާއްވައިފައެވެ.
އަދި މާލެ ފިޔަވައި އެހެން އަތޮޅުތަކުގެ 15 ރަށެއްގެ މިސްކިތްތަކުގައި ވެސް ދަރުސްތައް ބާއްވައިފައިވެއެވެ. އެހެންކަމުން މުޅި ރާއްޖޭގައި ޖުމުލަ 24 މިސްކިތެއްގައި މި ހަފުތާގައި ވަނީ ދަރުސްތައް ބާއްވައިފައެވެ. މިސްކިތްތަކުގައި ދަރުސް ދެއްވައިފައިވަނީ ރާއްޖޭގެ މަޝްހޫރު ވާޢިޡުންނެވެ.
ދިވެހިންގެ މެދުގައި ދީނީ ހޭޅުންތެރިކަން އިތުރުކުރުމަށް އިސްލާމީ ކަންތައްތަކާ ބެހޭ ވުޒާރާއިން ގެންދަވަނީ ގިނަ މަސައްކަތްޕުޅުތަކެއް ކުރައްވަމުންނެވެ.
