ރައީސް ޑރ. މުހައްމަދު މުއިއްޒު މިދިޔަ ބުދަ ދުވަހު ތަސްދީގުކުރެއްވި ދުންފަތް ކޮންޓްރޯލް ކުރުމާ ބެހޭ ގާނޫނަގާނޫނާއެކު މިރޭން ފެށިގެން ވޭޕް ބޭނުންކުރުން ނުކުރެވޭނެ ކަމަށް ނިމިއްޖެއެވެ،
ރައީސް ތަސްދީގުކުރެއްވި ގާނޫނުގައި ބުނެފައިވަނީ މިމަހުގެ 15 އިންފެށިގެން އިލެކްޓްރޯނިކް ސިނގިރޭޓާއި ވޭޕް ކުރުމަށް ބޭނުންކުރާ އާލާތްތައް ވިއްކުމާއި ހިލޭ ބެހުމާއި ބޭނުންކުރުން ކުރުމަކީ ވެސް މަނާކަމެއް ކަމަށެވެ.
ވޭޕް ބޭނުންކޮށް އެތަކެތީގެ ވިޔަފާރިކުރުން މަނާކޮށް، ދުންފަތުގެ ވިޔަފާރި ކުރެވޭނެ އެންމެ ހަގު އުމުރަކީ 21 އަހަރު ކަމަށް ވެސް އެއިސްލާހާއިއެކު ރައީސް ވަނީ ކަނޑައެޅުއްވާފައެވެ.
އެބިލުގައިވާގޮތުން ވޭޕާއި ވޭޕް ކުރަން ބޭނުން ކުރާ ތަކެތި ރާއްޖެއަށް އެތެރެ ކޮށްފިނަމަ، އެތެރެ ކުރި މީހަކު 50،000 ރުފިޔާއިން ޖޫރިމަނާ ކުރެވޭނެއެވެ. އަދި ވޭޕް ބޭނުން ކުރާ މީހަކު 5،000 ރުފިޔާއިން ޖޫރިމަނާ ކުރެވޭނެ ކަމަށާއި، އެތެރެ ކުރާ ކޮންމެ ވޭޕަކަށް އިތުރު 10،000 ރުފިޔާގެ މަގުން ޖޫރިމަނާ ކުރުމުގެ އިތުތުރުން ރާއްޖޭގައި ވޭޕް ވިއްކާ ކޮންމެ މީހަކަށް 20،000 ރުފިޔާގެ ޖޫރިމަނާއެއް، އަދި ވިއްކި ކޮންމެ ވޭޕަކަށް 10،000 ރުފިޔާގެ މަގުން ޖޫރިމަނާ ކުރެވެނެ ކަމަށްވެސް ބަޔާން ކޮށްފައި ވެއެވެ.
މީގެ އިތުރުން މިތަކެތި ހިލޭ މީހަކަށް ދީފިނަމަވެސް 10،000 ރުފިޔާގެ ޖޫރިމަނާއެއް ކުރެވޭނެ ކަމަށް ވަނީ ބަޔާން ކޮށްފައެވެ.
