ހަމާސްއިން ޣައްޒާގައި ހިފަހައްޓާފައިވާ ކޮންމެ މީހަކު ދޫކޮށްލާމަތިން، 5 މިލިއަން ޑޮލަރު ހުށައަޅާކަމަށް އިސްރާއިލްގެ ބޮޑުވަޒީރު ނަތަންޔާހޫ ބުނެފިއެވެ.
ނެތަންޔާހޫ ބުނެފައިވަނީ، ހަމާސްއިން ޣައްޒާގައި ބަންދުކޮށްފައިވާ ކޮންމެ މީހަކު އަނބުރާ ގެނެސްދޭ ކޮންމެ މީހަކަށް 5 މިލިއަން ޑޮލަރުގެ އިނާމެއް ދިނުމަށް އިސްރާއީލުން ހުށަހަޅާ ކަމަށެވެ. މީގެ އިތުރުން ބަންދުގައިވާ މީހުންގެ ތެރެއިން ގެންނަ މީހަކާއި އެމީހެއްގެ އާއިލާ ޣައްޒާއިން ނިކުތުމަށް އިސްރާއީލުން އެހީތެރިވެދޭނެ ކަމަށެވެ.
ބަންދުކޮށްފައިވާ މީހުންގެ ތެރެއިން ގެނެސްދޭ ކޮންމެ މީހަކަށްވެސް އެމީހަކާއި އެމީހެއްގެ އާއިލާއަށް [ޣައްޒާއިން] ނުކުތުމަށް އަޅުގަނޑުމެން އެހީވާނަން- ނަތަންޔާހޫ
ފަލަސްތީނުގެ ރައްޔިތުންނަށް ފޮނުވި ވީޑިއޯ މެސެޖުގައި ނަތަންޔާހޫ ބުނެފައިވަނީ މިވަގުތު ހައްޔާރުކޮށްފައިވާ އިސްރާއީލުގެ ކޮންމެ މީހެއްގެ ބޮލަށް 05 މިލިއަން ޑޮލަރު ހުށައަޅާކަމަށެވެ. މީގެ އިތުރުންވެސް އެހެންތަންތާގައި ތިބި އިސްރާއީލުގެ ރައްޔިތުން އަނބުރާ ގައުމަށް ގެނައުމުގެ މަސައްކަތް ހުއްޓާނުލާ ކުރިއަށް ދާކަމަށެވެ. އެ މަސައްކަތް ދޫކޮށްނުލާ ކަމަށެވެ.
