މާލޭގެ އޮފީހަކުން ވައްކަންކުރި ކަމުގެ ތުހުމަތުގައި މީހަކު ހައްޔަރުކޮށްފިއެވެ.
ހ.ފިލިމާގެ ގުރައުންޑު ފުލޯގައި ހުންނަ އޮފީހަކުން ވައްކަންކޮށްފައިވާ މައްސަލައެއް މި މަހުގެ 9 ވަނަ ދުވަހުގެ ހެނދުނުގެ ވަގުތެއްގައި ރިޕޯޓުކޮށްފައިވާ ކަމަށެވެ.
މި މައްސަލައާ ގުޅިގެން ރ.އަލިފުށީ ހަބީބީހެޕް، އިސްމާޢީލް ސާއިފް (39އ) އިއްޔެ ހައްޔަރުކޮށްފައިވާ ކަމަށް ފުލުހުން ބުންޏެވެ. ފުލުހުން ބުނީ އޭނާ އެ އޮފީހުން ވަގަށް ނެގިކަމަށް ބެލެވޭ 2 ލެޕްޓޮޕް، 2 އައިފޯނު، އިއާޕޮޑް އަދި އަތުކުރި ގަޑި ހޯދައި ވެރިފަރާތާ ހަވާލުކޮށްފައިވާ ކަމަށެވެ.
މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް އަމުރުކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.
