ގަލޮޅުގެ އިމާރާތެއްގައި އަލިފާން ރޯވެއްޖެއެވެ.
.މި ހާދިސާ ހިނގާފައިވަނީ ގ. އުފުރިޔާ އިމާރާތުގެ ހަވަނަ ފަންގިފިލާގައި ކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މަޢުލޫމާތު ދެއެވެ.
އަލިފާން ރޯވެފައިވަނީ އިހުސާން ފިހާރަ ހިންގަމުންދާ އިމާރާތުގެ ހަވަނަ ފަންގިފިލާގައެވެ. އެ ފަންގިފިލާއިން ވަރަށް ބޮޑަށް ދުން އަރަމުންދިޔަ ކަމަށް ލޮލަށް ފެނުނު މީހުން ބުނެފައިވެއެވެ. އަދި ވަރަށް ބޮޑަށް އަލިފާން ރޯވެފައި ހުރި ކަމަށްވެސް މަޢުލޫމާތު ލިބިފައިވެއެވެ.
މި ހާދިސާއާ ގުޅިގެން އެމްއެންޑީއެފްގެ ފަޔަރ އެންޑް ރެސްކިޔު ސަރވިސްގެ އިތުރުން ސިފައިންނާއި ފުލުހުން ވަނީ އެ ސަރަހައްދުގައި ހަރަކާތްތެރިވެފައެވެ. އެމްއެންޑީއެފްއިން ދެއްވި މަޢުލޫމާތުގައިވާ ގޮތުން، 12:01 ގައި އަލިފާންގަނޑު ވަނީ ކޮންޓްރޯލް ކުރެވިފައެވެ.
މި ހާދިސާގައި އެއްވެސް މީހަކަށް އަނިޔާވި ކަމެއް އަދި އެނގިފައެއް ނުވެއެވެ.
