ޅ. އަތޮޅުގެ ދެ ރަށެއްގައި ހިންގުނު މަސްތުވާތަކެތީގެ އޮޕަރޭޝަންތަކެއްގައި 3 މީހަކު ހައްޔަރު ކޮށްފިއެވެ.
މިއީ ކައުންޓަރ ނާކޮޓިކްސް އިންޓެލިޖެންސްގެ މަޢުލޫމާތަކާ ގުޅިގެން، ޑްރަގް އެންފޯސްމަންޓް، ކައުންޓަރ ނާކޮޓިކްސް އިންޓެލިޖެންސް އަދި ޅ. އަތޮޅު ފުލުހުން ގުޅިގެން ހިންގި އޮޕަރޭޝަނެކެވެ.
ޅ އަތޮޅުގެ ދެ ރަށަކުން ހައްޔަރުކޮށްފައިވާ 3 މީހުންނާއި އެމީހުނާއެކު އަތުލައިގަނެވުނު މަސްތުވާތަކެތި؛
- ހިންނަވަރުން ހައްޔަރު ކުރި ހަސަން މުނާޒްގެ އަތުން 66.02 ގުރާމްގެ މަސްތުވާތަކެތި ކަމަށް ބެލެވޭ އެއްޗަކާއި ފައިސާ ފެނުނެވެ. ކޯޓުން ވަނީ މުނާޒު 15 ދުވަހަށް ބަންދު ކުރުމަށް އަމުރުކޮށްފައެވެ.
- ނައިފަރުން ހައްޔަރު ކުރި ޢަލީ މުޙައްމަދުފުޅުގެ އަތުން 5 ދަޅު ބަނގުރާ ފެނުނެވެ. އަލީ މުހައްމަދުފުޅު ވަނީ 7 ދުވަހަށް ބަންދުކޮށްފައެެވެ.
- ހަމަ އެރަށުން ހައްޔަރުކޮށް 12 ދުވަހަށް ބަންދުކޮށްފައިވާ އަޙްމަދު ވިއާމްގެ އަތުން 12 ގުރާމްގެ މަސްތުވާތަކެތި ކަމަށް ބެލެވޭ އެއްޗެއް ވަނީ ފެނިފައެވެ.
މި މައްސަލަތައް ފުލުހުން ދަނީ އިތުރަށް ތަހުގީގު ކުރަމުންނެވެ.
