“ސާފު ވިލިމާލެ – ރައްކާތެރި ވެށި”ގެ ނަމުގައި ވިލިމާލެ ސާފުކުރުމުގެ ހަރަކާތެއް ކުރިއަށް ގެންގޮސްފިއެވެ.
ވިލިމާލެ ދާއިރާގެރައްޔިތުންގެ މަޖިލީހުގެ މެންބަރު މުހައްމަދު އިސްމާއީލް އިސްނަންގަވައިގެން ދައުލަތުގެ ބައެއް މުއައްސަސާތަކާއި ކުންފުނިތަކުގެ ބައިވެރިވުމާއެކު މިއަދު ވިލިމާލެ ސާފުކުރުމުގެ މި ހަރަކާތުގައި ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވުޒާރާގެ ވަޒީރު އާދަމް ޝަރީފް އުމަރާއި ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވެސް ބައިވެރިވެވަޑައިގެންނެވިއެވެ.
ރޯދައަށް ތައްޔާރުވުމުގެ ގޮތުން ކުރަމުންދާ މަސައްކަތްތަކުގެ ތެރެއިން މާލެ ސިޓީ ކައުންސިލާއި، ސަރުކާރު ހިއްސާވާ ބައެއް މުއައްސަސާތަކުން އިސްނަގައިގެން މާލެ އާއި ހުޅުމާލެ ސާފުކުރުމުގެ ހަރަކާތްތަކެއްވެސް ވަނީ ކުރިއަށް ގެންގޮސްފައިވެއެވެ.
