ކޮވިޑްގެ ގިނަ ކޭސްތަކެއް ފެނި ރަށުގެ ހާލަތު ގޯސްވަމުންދާތީ ގދ މަޑަވެލި މޮނިޓަރިންގ ހާލަތަށް ގެނެސްފިއެވެ.
ހެލްތު ޕްރޮޓެކްޝަން އެޖެންސީއިން މަޑަވެލި މޮނިޓަރިންގ އަށް ލާފައިވަނީ ސިއްހީގޮތުން އިތުރަށް ބަލަންޖެހޭ ކަންކަން ބެލުމަށްޓަކައި މިއަދު ހެނދުނު 10:01 އިން ފެށިގެންނެވެ. މޮނިޓަރިންގ އަށް ލާފައިވާ މުއްދަތުގައި އެރަށަށް އަރާފޭބުން މަނާވާނެއެވެ.
މިފަހަކުން އައިސް މަޑަވެލިން ވަނީ ގިނަ ބަޔަކު ކޮވިޑަށް ފައްސިވެފައެވެ. އެގޮތުން މިހާރު އެރަށުގައި ބަލިން ފަސޭހަނުވާ 28 މީހަކު ތިބި އިރު އިއްޔެ އެކަނިވެސް 8 މީހަކުވަނީ ކޮވިޑަށް ފައްސިވެފައެވެ.
