ރާއްޖޭގެ މަޝްހޫރު ފިލްމީ ތަރި އަލީ ސީޒަން ބޮލީވުޑްގެ ފިލްމު އުފައްދާ ބައެއް ފަރާތްތަކާއެކު ބާއްވާ ބައްދަލުވުން ތަކެއްގައި ބައިވެރިވުމަށް އިއްޔެ އިންޑީޔާއަށް ފުރައިފިއެވެ.
މައުލޫމާތު ލިބޭ ގޮތުގައި އަލީ ސީޒަންގެ މިދަތުރުގައި އިންޑިޔާގެ މުމްބާއީ އަދި ނިއު ދިއްލީއަށް ދަތުރުކުރަން ވަނީ ހަމަޖެހިފައެވެ. ސީޒަންގެ މި ދަތުރަކީ ރާއްޖޭގައި ބޮލީވުޑްގެ ފިލްމެއް ހެދުމަށް ވިސްނައި އެކަމަށްޓަކައި ވާންޖެހޭ ތައްޔާރީތައް ވުމަށް ބާއްވާ މަޝްވާރ ބައްދަލުވުމެއް ކަމަށް މުނިއަވަސް އިން ވަނީ ހާމަކޮށްފައެވެ.
ސީޒަން ވަނީ މީގެ ކުރިންވެސް ސިންހަޅަ ފިލްމެއް ޑައިރެކްޓް ކޮށްފައެވެ. 2017 ވަނަ އަހަރު ސީޒަން ޑައިރެކްޓު ކުރި ސިންހަޅަ ފީޗާ ފިލްމު “ކައުޝީ”އަކީ ސީޒަން އަށް ލިބުނު ވަރަށް ބޮޑު ކާމިޔާބީއެއް ކަމަށް އޭރު ސީޒަން ވަނީ ބުނެފައެވެ. މިއީ ދިވެހިި ފަންނާނަކު ފުރަތަމަ ފަހަރަށް ބޭރު ގައުމެއްގެ ފިލްމެއް ދައިރެކްޓުކުރި ފުރަތަމަ ފިލްމެވެ.
މިހާރު ސީޒަން މިސްރާބް ޖަހާލީ ބޮލީވުޑްއިން ޖާގަ ހޯދުމަށެވެ. ސީޒަންއަކީ ރާއްޖޭގެ ފިލްމު އިންޑަސްޓްރީގައި ކުޅަދާނަ އެކްޓަރެއްގެ އިތުރުން ޑައިރެކްޓަރެއްވެސްމެވެ.
ސާބަހޭ ބުރޯ. ސަރުކަރުން ކުރަން ޖެހޭ ކަމެއް ބުރޯ ތޮޔަ ކިރަނީ. ނިއުޒިލެންޑް ތަންތަން ކިހިނެއް ތަރައްގީ ވަނީ؟