ރަމަޝާން މަސް ނިމި ފާއިތުވާ ދުވަސްތަކުގައިވެސް އަޅުކަމާއި ދުރު ނުވުމަށް ހުކުރު ހުތުބާގައި ގޮވާލައްވައިފިއެވެ.
ހުތުބާގައި ބުނެފައި ވަނީ ރަމަޝާން މަސް ނިމުނު ކަމުގައި ވީނަމަވެސް ހެޔޮއަމަލު ކުރުންމަތީ ދެމި ހުރުމަށާއި، ފުރިހަމަ މުއުމިނެއްގެ ގޮތުގައި ދެމި ހުރުމަށެވެ. އަޅުކަމުގައި ވަގުތު ހޭދަ ކުރުމަށާއި، ހާއްސަކޮށް ރަމަޝާން މަހަކީ އަޅުކަމުގެ މައްސަރެއް ކަމަށްވާތީ ރަމަޝާން މަހުގައި އަޅުކަން ކުރުން އިތުރު ކުރުމަށްވެސް ވަނީ ގޮވާލައްވާފައެވެ.
މީގެ އިތުރުން ހުތުބާގައި ފާހަގަކޮށް ފައިވަނީ ރަމަޝާން މަސް ނިމި އަންނަ ޝައްވާލު މަހުގެ ހަ ރޯދަވެސް ހިފާ މުޅި އަހަރުގެ ސަވާބާއި ދަރުމަ ހޯދުމަށެވެ. ﷲ ގެ ރަހުމަތާއި ތަނަވަސްކަމަށް އެދޭ މީހާ މި މަގު އިހުރިޔާރު ކުރުމަށްވެސް ހުތުބާގައި ވަނީ ބުނެފައެވެ.
ސުންނަތް އަޅުކަން އިތުރު ކުރުމަށާއި، ސަވާބާއި ދަރުމަ ލިބުމުގައި ދެމި ތިބުމަށްވެސް ހުތުބާގައި ގޮވާލައްވާފައި ވެއެވެ.
