އިލްކެޝަންސް ކޮމިޝަން (އީސީ) ހިންގާނެ އިމާރާތެއް ކުއްޔަށް ހޯދަން އެ ކޮމިޝަނުން އިއުލާނު ކޮށްފިއެވެ.
އެ އިއުލާނުގައި ބުނެފައިވަނީ 10 އަހަރުދުވަހުގެ މުއްދަތަށް މާލެއިން ޢިމާރާތެއް ކުއްޔަށް ހޯދުމަށް ބޭނުންވާކަމަށެވެ. އެ ކޮމިޝަނުން ކުއްޔަށް ހޯދާ އިމާރާތުގައި 13،500 އަކަފޫޓުގެ ޖާގައިގެ އިތުރުން ، ގްރައުންޑް ފްލޯ ނުލިބޭނަމަ 6 މީހުންގެ ޖާގައިގެ ލިފްޓެއް ހުންނަންވާނެ ކަމަށް އެ އިއުލާނުގައި ބުނެފައިވެއެވެ.
މީގެ އިތުރުން ޢިމާރާތް ކުއްޔަށް ނެގުމުގައި ކައިރީގައި ފަސޭހައިން ޕާކު ކުރެވޭނެ ޖާގައިގެ އިތުރުން ޚިދުމަތް ހޯދުމަށް އަންނަ ފަރާތްތަކަށް ފަސޭހައިން ވަދެ ނުކުމެވޭނެ ގޮތަށް ހުރިތޯ ބަލާނެ ކަމަށްވެސް އިޢުލާނުގައި ބުނެފައިވެއެވެ.
މިވަގުތު އީސީ ހިންގަމުން ދަނީ ހިލާލީ މަގުގައި ހުންނަ ޕޯޓް ކޮމްޕްލެކްސް ބިލްޑިންގައެވެ. ދަރުބާރުގޭގައިވެސް އެކޮމިޝަނުގެ ބައެއް މަސައްކަތްތައް ކުރާ ކަން ފާހަގަކޮށްލެވެއެވެ.
