ޓްރާންސްޕޯޓް މިނިސްޓްރީ މުޙައްމަދު އަމީން މާލެ ސިޓީ ކައުންސިލާ ބައްދަލުކުރައްވައިފިއެވެ.
ޓްރާންސްޕޯޓް މިނިސްޓްރީން މިއަދު ބުނީ މާލޭ ފަޅުތެރޭގައި ދިމާވާ ޓްރެފިކް މައްސަލަތައް ހައްލުކުރުމަށްޓަކައި މިނިސްޓަރު އަމީނާއި މާލެ ސިޓީގެ މޭޔަރު އާދަމް އާޒިމާ ދެމެދު ބައްދަލުވުމެއް ބޭއްވިފައިވާ ކަމަށެވެ.
މި ބައްދަލުވުމުގައި މާލޭގެ ބަނދަރާއި، ފަޅުތެރޭގައި ދިމާވާ ޓްރެފިކް މައްސަލަތައް ހައްލުކުރުމަށް މާލެ ސިޓީ ކައުންސިލާ ގުޅިގެން ކުރެވިދާނެ މަސައްކަތްތަކާބެހޭ ގޮތުން މަޝްވަރާ ކުރެވުނު ކަމަށް މިނިސްޓްރީން ބުންޏެވެ.
މިނިސްޓްރީން ބުނީ މިއީ މާލެ ސިޓީ ފަޅުތެރެ ބޭނުންކުރުމުގައި ރައްޔިތުންނަށް ދިމާވާ ދަތިތައް ހައްލުކުރުމުގެ މަސައްކަތުގެ ތެރެއިން ކުރެވުނު ބައްދަލުވުމެއް ކަމަށެވެ.
މާލޭގެ ފަޅުތެރޭގައި ދުއްވާ އުޅަނދުފަހަރުގެ އަދަދު އިތުރުވަމުން ދިއުމާއެކު، ޓްރެފިކް މައްސަލަތައް ވެސް އިތުރުވަމުންދާކަން ފާހަގަކުރެވޭ ކަމަށް މިނިސްޓްރީން ވަނީ ބުނެފައެވެ.
