އަވައްޓެރި ސްރީލަންކާގައި ތިބި ދިވެހިންނާ ހާރިޖީ ވަޒީރު ޑރ. އަބްދުﷲ ހަލީލް ބައްދަލުކުރައްވައިފިއެވެ.
އެކްސްގައި ކުރެއްވި ޕޯސްޓެއްގައި މިނިސްޓަރ ހަލީލް ވިދާޅުވީ ލަންކާގައި ދިރިއުޅޭ ދިވެހިންނާ ބައްދަލުކޮށް ވާހަކަ ދައްކާލަާނެ ފުުރުސަތެއް ލިބުމުން އުފާކުރާ ކަމަށާއި ލަންކާގައި ދިރިއުޅޭ ރައްޔިތުންނަށް ދިމާވާ ދަތިތަކަށް ހައްލު ހޯއްދަވައި ދެއްވާނެ ކަމުގެ ފުރިހަމަ ޔަގީންކަން ދެއްވާ ކަމަށެވެ.
ލަންކާގެ ހާރިޖީ ވަޒީރުގެ ރަސްމީ ދައުވަތަކަށް މިނިސްޓަރ ހަލީލް ކުރައްވާ މި ދަތުރުފުޅުގެ ތެރެއިން އެގައުމުގެ ރައީސް އަނުރަ ކުމާރަ ޑިސަނަޔަކައާ އާއި ލަންކާގެ ބޮޑުވަޒީރު ޑރ. ހަރިނީ އަމަރަސޫރިޔަ އާވެސް ވަނީ ބައްދަލުކުރައްވާާފައި ވެއެވެ.
ލަންކާގައި ގިނަ އަދަދެއްގެ ދިވެހިން ދިރިއުޅެމުން އަންނަ އިރު، އެގައުމުން ދިވެހިންނަށް ފޯރުކޮށްދެމުން އަންނަ އެހީތަކަށް މިނިސްޓަރ ހަލީލް ވަނީ ޝުކުރު އަދާކުރަައްވާފައެވެ.
