ޤައުމީ އެއަރލައިން، މޯލްޑިވިއަންގެ ސީޕްލޭން ޚިދުމަތް ފުޅާކޮށް، ކާމިޔާބު އަދި ރަނގަޅު ޚިދުމަތަކަށް ހެދުމަށްޓަކައި ގިނަ މަސައްކަތްތަކެއް ކުރަމުން އަންނަކަމަށް އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރ އަލީ ސަލީމް ވިދާޅުވެއްޖެއެވެ. ސީޕްލޭން އޮޕަރޭޝަނަކީ މޯލްޑިވިއަނަށް ބޮޑު އާމްދަނީއެއް ލިބޭ އެއް ދާއިރާއެވެ.
ޕީއެސްއެމް ނިއުސްއަށް ދެއްވި ޚާއްސަ އިންޓަވިއުއެއްގައި ޑެޕިއުޓީ މެނޭޖިންގ ޑިރެކްޓަރ އަލީ ސަލީމް ވިދާޅުވީ، ރާއްޖޭގެ ރިސޯޓްތަކަށް އަންނަ ފަތުރުވެރިން އުފުލުމަށް އެ ކުންފުނިން ވަރަށް ކުރީއްސުރެ މަސައްކަތްކުރަމުން އަންނަ ކަމަށާއި، މިހާރުވެސް މޯލްޑިވިއަންގެ ސީޕްލޭން ފްލީޓްގައި 11 ބޯޓު އޮތް ކަމަށެވެ. އަދި ފަތުރުވެރިކަމަކީ ރާއްޖޭގެ އިޤްތިޞާދީ އެންމެ ބޮޑު ސިނާއަތަށްވާއިރު، އެ ސިނާއަތަށް އެހީތެރިކަން ދިނުމަކީ ރާއްޖޭގެ އިޤްތިޞާދަށާއި ކުންފުނީގެ ވިޔަފާރިއަށްވެސް ނުހަނު މުހިންމު ކަމެއްކަން އޭނާ ފާހަގަކުރެއްވިއެވެ.
ސަލީމް ވިދާޅުވީ، "އަޅުގަނޑުމެން މިދަނީ ސީޕްލޭންގެ ފެސިލިޓީ އަޕްގްރޭޑްކޮށް މުޅިން އައު ސީޕްލޭން ޓާމިނަލްއެއްގެ ގޮތުގައި ކުރީގައި ހުރި ޓާމިނަލް މުޅިން އަލުން އަޅުގަނޑުމެން ތަރައްޤީކޮށް އެވެސް ވަރަށް އަވަހަށް ވިޔަފާރިވެރިންނަށް އަޅުގަނޑުމެންގެ ކަސްޓަމަރުންނަށް އެ ޚިދުމަތް ލިބޭގޮތައް ހުޅުވާލެވޭނެ. ހަމައެއާއެކު އިތުރު ބޯޓުތައްވެސް އަޅުގަނޑުމެން ހޯދަން މިފެށީ. ސީޕްލޭން ވިޔަފާރިއަށް މިހާރުވެސް އަޅުގަނޑުމެންނާއި ނެގޯޝިއޭޓްކުރޭ ރަނގަޅު ބޮޑެތި ބްރޭންޑެޑް ރިސޯޓްތަކުންވެސް ސީޕްލޭން ކޮންޓްރެކްޓް ހަދަން. އެހެންވީމަ މުސްތަޤްބަލުގައި މޯލްޑިވިއަންގެ ސީޕްލޭން އޮޕަރޭޝަން ފެނިގެންދާނީ ވަރަށް ކާމިޔާބު ރަނގަޅު ޚިދުމަތެއްދޭ އެއަރލައިންއެއްގެ ގޮތުގައި."
ޚިޔާލު
އެންމެ ފުރަތަމަ ޚިޔާލު ދެއްވާ.