ފުވައްމުލަކުގައި ތަރައްޤީކުރާ ޏ. އަތޮޅު ތައުލީމީ މަރުކަޒުގެ އައު އިމާރާތާއި، ކުނި މެނޭޖްކުރާ ސެންޓަރުގެ ޢަމަލީ މަސައްކަތް ރަސްމީކޮށް ފަށައިފިއެވެ. މި ދެ މަޝްރޫޢުގެ މަސައްކަތް ފެށުމަށްޓަކައި ބޭއްވުނު ރަސްމިއްޔާތުތަކުގައި ރައީސުލްޖުމްހޫރިއްޔާ ވަނީ ބައިވެރިވެވަޑައިގެންފައެވެ. އަތޮޅުތައުލީމީ މަރުކަޒުގެ އައު އިމާރާތާއި، ކުނި މެނޭޖުކުރާ ސެންޓަރުގެ ޢަމަލީ މަސައްކަތް ފެށުމަށް ބޭއްވި ރަސްމިއްޔާތުތަކުގައި، މި ދެ މަޝްރޫޢުގެ މަސައްކަތް ރަސްމީކޮށް ފަށްޓަވައިދެއްވީ، ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވަޒީރު އާދަމް ޝަރީފް ޢުމަރުއެވެ. މި މަސައްކަތްތައް ފެށުމަކީ ފުވައްމުލަކު ސިޓީގެ ތަޢުލީމީ އަދި ތިމާވެށީގެ ދާއިރާއަށް ލިބިގެންދާނެ މުހިންމު ކުރިއެރުމެކެވެ. ފުވައްމުލަކު ސިޓީގައި ހުންނަ އަތޮޅު ތަޢުލީީމީ މަރުކަޒުގައި އިމާރާތްކުރާ އައު އިމާރާތަކީ 5 ފަންގިފިލާގެ ބޮޑު އިމާރާތެކެވެ. މިއީ ސްކޫލުގެ ޖާގައިގެ ދަތިކަން ޙައްލުކޮށް، ދަރިވަރުންނަށް އިތުރު ފަސޭހަތަކެއް ގެނެސްދޭނެ މަޝްރޫޢެކެވެ. އަދި ފުވައްމުލަކު ސިޓީގެ ކުނި މެނޭޖްކުރާ ސެންޓަރުގެ މަސައްކަތް ކުރުމަށް ޙަވާލުކޮށްފައިވަނީ ވޭސްޓް މެނޭޖްމެންޓް ކޯޕަރޭޝަން ލިމިޓެޑް (ވެމްކޯ) އާއެވެ. މި ސެންޓަރުގެ ސަބަބުން ސިޓީގެ ކުނި މެނޭޖްކުރުމުގެ ނިޒާމު އިތުރަށް ހަރުދަނާވެގެންދާނެއެވެ. tttފުވައްމުލައްސިޓީ ތަޢުލީމީ މަރުކަޒުގެ އައު އިމާރާތާއި ކުނި މެނޭޖު ކުރާ ސެންޓަރުގެ އަމަލީ މަސައްކަތް ފެށުން ރައީސް މުޢިއްޒު މިހާރު ކުރައްވަމުން ގެންދަވާ ދަތުރުފުޅަކީ، ރާއްޖޭގެ މީހުން ދިރިއުޅޭ ހުރިހާ ރަށަކަށް ޒިޔާރަތްކުރެއްވުމަށާއި، އަތޮޅުތަކާއި ރަށްތަކާއި ސިޓީތަކުގެ ކައުންސިލުތަކާ ބައްދަލުކުރެއްވުމަށް ކުރިއަށްގެންދާ ސިލްސިލާ ދަތުރުފުޅުތަކުގެ ތެރޭގައި ހިމެނޭ ދަތުރުފުޅެކެވެ. މި ދަތުރުފުޅުގެ ތެރެއިން ފުވައްމުލަކާއި އައްޑު އަތޮޅުގެ ޢުމްރާނީ ތަރައްޤީއަށް ބޭނުންވާ ގިނަ މަޝްރޫއުތަކެއްގެ ޢަމަލީ މަސައްކަތްތައް ފަށްޓަވައިދެއްވުމަށް ވަނީ ހަމަޖެހިފައެވެ. މި މަޝްރޫޢުތަކަކީ ސަރުކާރުން ދެކުނުގެ ސިޓީތައް ތަރައްޤީކުރުމަށް ދެއްވާ އަހަންމިއްޔަތުކަން އަންގައިދޭ ކަންކަމެވެ.