ބޮޑު ތަފާތަކުން އޭއެސްއެމްއެޗް ބަލިކޮށް ސިޓީ ސްޓާސް ހިޔަލަ 7 ގެ ޗެމްޕިއަންކަން ހޯދައިފިތިނަދޫ ސިޓީ އަންހެނުންގެ ތަރައްޤީއަށް މަސައްކަތްކުރާ ކޮމެޓީ އިން ތިނަދޫ ސިޓީއަށް ހުޅުވާލައިގެން ކުރިޔަށް ގެންދިޔަ ހިޔަލަ ހޭންޑްބޯޅަ މުބާރާތުގެ އަންހެން ޑިވިޝަންގެ ޗެމްޕިއަންކަން ، ބޮޑު ތަފާތަކުން އޭއެސްއެމްއެޗް އާރުސީ ބަލިކޮށް ސިޓީ ސްޓާސް ހޯދައިފިއެވެ. ތިނަދޫ ސިޓީ ސްޓޭޑިއަމްގައި ހޭންޑްބޯޅަ ދަނޑުގައި ކުރިޔަށް ގެންދިޔަ މި މުބާރާތުގަ ރޭ ކުޅުނު ފައިނަލް މެޗުން ސިޓީ މޮޅުވީ 06-17 ގެ ނަތީޖާ އަކުންނެވެ. ހިޔަލަ 7 ވަނަ މުބާރާތުގެ ތަށި ރޭ ސިޓީ އުފުލާލީ ކުޅުނު އެއްވެސް މެޗަކުން ބަލި ނުވެއެވެ.
ފިރިހެން ޑިވިޝަަނުގެ ޓޮޕް 7 ޕްލޭޔަރސް --- ފޮޓޯ: ފޮޓޯ މޯލްޑިވްސް ކުޅިވަރު މުބާރާތްތައް އިންތިޒާމުކޮށް ހިންގުމުގައި ތަޖުރިބާކާރު ޖަމްޢިއްޔާއެއް ކަމުގައިވާ ހަވަރު ސްޕޯޓްސް އިން އިންތިޒާމް ކޮށްގެން ކުރިއަށް ގެންދިޔަ މި މުބާރާތުގެ އަންހެން ޑިވިޝަންގެ ތަށި ސިޓީ އިން ހޯދި އިރު މި ޑިވިޝަންގެ އެންމެ މޮޅު ކޯޗަކަށް ހޮވުނީވެސް އެޓީމުގެ ކޯޗު އަހުމަދު ސަދޫޤުއެވެ. މީގެ އިތުރުން ފައިންލް މެޗުގެ މޮޅުކުޅުންތެރިޔާގެ މަގާމަށް ސިޓީ ގެ އައިޝަތު އާލާ އަލީ ހޮވުނު އިރު މުބާރާތް އެންމެ މޮޅު 7 ކުޅުންތެރިންގެ ތެރޭގައި ސިޓީ 4 ކުޅުންތެރިން ވަނީ ހިމެނިފައެވެ. އެ ކުޅުންތެރިންނަކީ މާޒިނާ ، ނިއުޝާ, އާލާ އަދި އަޒްލިފާއެވެ. އޭގެ އިތުރުން ހިމެނެނީ 71 ގޯލާއި އެކު މުބާރަތުގެ ޓޮޕް ސްކޯރަރގެ މަޤާމު ހޯދި ފިޓް ފެމިނިންގެ ޚަދީޖާ ، އޭއެސްއެމްއެޗްގެ ޔުމަން އާއި ޒައިނާ އެވެ. ރަނަރަޕް ޓީމަކީ އޭއެސްއެމްއެޗްއެވެ. މި ޑިވިޝަންގެ ފެއަރ ޕްލޭ ޓީމަކީ ފިޓް ފެމިނިންއެވެ. އުންމީދީ ކުޅުންތެރިޔަކީ އޭއެސްއެމްއެޗް ޝޫރާ އެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.