ކާވާ ކަޕް 2025 ގެ ޗެމްޕިއަންކަން ދިވެހިރާއްޖެއަށް ލިބުމަކީ އެންމެ ބޮޑު އުންމީދު ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ރާއްޖޭގެ ޤައުމީ އަންހެން ވޮލީ ބޯޅަ ޓީމު މުބާރާތުގެ ފައިނަލަށް ދިއުމާ ގުޅިގެން މަރުހަބާ ދެންނެވުމަށް ސޯޝަލް މީޑިއާގައި ކުރެއްވި ޕޯސްޓެއްގައެވެ. ރައީސުލްޖުމްހޫރިއްޔާ ވިދާޅުވީ، ދިވެހިރާއްޖޭގެ ޤައުމީ އަންހެން ވޮލީބޯޅަ ޓީމުން ކާވާ ކަޕްގައި މޮޅު ކުޅުމެއް ދައްކައި، މުބާރާތުގެ ފައިނަލަށް ދަތުރު ކުރުމަކީ ލިބިގެން ދިޔަ ވަރަށް ބޮޑު ފަޚުރެއް ކަމަށެވެ. އަދި މިރޭ އޮންނަ ފައިނަލް މެޗު ކާމިޔާބުކޮށް މުބާރާތުގެ ތަށި ރާއްޖެއަށް ލިބުމަކީ އުންމީދުކަން ފާހަގަކުރައްވައި، ދިވެހި އެންމެހާ ރައްޔިތުން ތިބީ ޤައުމީ ޓީމާއެކު ކަމަށް އެމަނިކުފާނު ވިދާޅުވިއެވެ. https://twitter.com/MMuizzu/status/2004141653595173280?ref_src=twsrc%5Etfw%7Ctwcamp%5Etweetembed%7Ctwterm%5E2004141653595173280%7Ctwgr%5E26f1a5b57a6667a5700ee53023c81a36d5c30a68%7Ctwcon%5Es1_&ref_url=https%3A%2F%2Fpsmnews.mv%2F171378 މި މުބާރާތުގެ ފައިނަލްގައި ރާއްޖެ މިފަހަރުވެސް ބައްދަލުކުރަން ޖެހޭނީ އެންމެ ފަހުގެ ފައިނަލްގައިވެސް ވާދަކުރި ކިރްގިސްތާނާއެވެ. މިއީ މި ދެ ޤައުމު ކާވާ ކަޕްގެ ފައިނަލްގައި ޖެހިޖެހިގެން ވާދަކުރާ ދެވަނަ ފަހަރެވެ. މި މެޗު ކުޅުމަށް ހަމަޖެހިފައިވަނީ މިރޭގެ ވަގުތެއްގައެވެ. CAFAއުފާވެރި މަންޒަރެއް---ކާވާ ކަޕް 2025 ގެ ކުޅުންތެރިން... ފޮޓޯ: ސަން މުބާރާތުގެ ތިންވަނަ ހޮވާ މެޗު މިއަދު ހަވީރު ކުޅުމަށް ވަނީ ހަމަޖެހިފައެވެ. މި މެޗުގައި ބައްދަލުކުރާނީ އަފްގާނިސްތާނާއި ބަންގްލަދޭޝްއެވެ. މުޅި ޤައުމު މިހާރު އިންތިޒާރު ކުރަމުންދަނީ މިރޭ އޮންނަ ފައިނަލް މެޗުން ރާއްޖޭގެ އަންހެން ޓީމު ތާރީޚީ ކާމިޔާބީއެއް ހޯދާނެ ވަގުތަކަށެވެ.