ރާއްޖޭގެ މުޅިން އަލަށް 9 ރަށެއްގައި ޑަޔަލިސިސްގެ ހިދުމަތް ފެށިފައިވާ ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހިމް މިއަދު ވިދާޅުވެއްޖެއެވެ. މިނިސްޓަރު މިފަދައިން ވިދާޅުވީ ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުންނެވެ.
މިނިސްޓަރު ނާޒިމް ވިދާޅުވީ، އަލަށް ހިދުމަތް ފެށި ރަށްތަކުގެ އިތުރުން، ކުރިންވެސް ޑަޔަލިސިސްގެ ހިދުމަތް ދެމުންދިޔަ ރަށްތަކުގައި އެނދުގެ އަދަދު އިތުރުކޮށް، ހިދުމަތް ފުޅާކޮށްފައިވާ ކަމަށެވެ. މިއީ ކިޑްނީ ބަލިތަކަށް ފަރުވާ ހޯދާ ފަރާތްތަކަށް ލިބިގެންދާނެ ވަރަށް ބޮޑު ލުޔެއްކަން މިނިސްޓަރު ފާހަގަކުރެއްވިއެވެ.
"ޑަޔަލިސިސް އަކީ ގަވައިދުން ވީކްލީކޮށް ވަކި އަދަަދަކަށް ހައްދަވަން ޖެހޭ އެއްޗަކަށް ވުމުން ރަށުގައި ތިބެގެން މި ހިދުމަތް ލިބޭނެ ގޮތް ވުމަކީ ރައްޔިތުންނަށް ވަރަށް ބޮޑު ލުއި ފަސޭހައެއް ލިބިގެންދާނެ ކަމެއް،" މިނިސްޓަރު ވިދާޅުވިއެވެ. މީގެ އިތުރުން ކަނޑުގަދަ ދުވަސްވަރު އެއް ރަށުން އަނެއް ރަށަށް ނުވަތަ މާލެއަށް ދަތުރުކުރުމަކީ ބަލިމީހުންނަށް އުފުލަންޖެހޭ ބޮޑު ތަކްލީފަކަށް ވާތީ، ސަރުކާރުގެ އަމާޒަކީ މި ހިދުމަތް ވީހާވެސް ގާތުން ރައްޔިތުންނަށް ފޯރުކޮށްދިނުން ކަމަށް އޭނާ ވިދާޅުވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.