އިނގިރޭސި ޕްރެމިއާ ލީގާއި ޗެމްޕިއަންސް ލީގު ކާމިޔާބުކޮށް، ތާރީޚީ "ޑަބަލް" އެއް ހޯދުމުގެ އުއްމީދުގައި އާސެނަލް ފުޓްބޯޅަ ކްލަބުން ބާއްވާ ކާމިޔާބީގެ ޕެރޭޑްގެ ތައްޔާރީތައް ފަށައިފިއެވެ. ރިޕޯޓްތައް ބުނާގޮތުން މި ތާރީޚީ ޕެރޭޑް ބޭއްވުމަށް ތާވަލުކޮށްފައިވަނީ 31 މޭ 2026 ވާ އާދިއްތަ ދުވަހު އެމިރޭޓްސް ސްޓޭޑިއަމުގެ މަގުތަކުގައެވެ.
އާސެނަލްއިން މިފަދަ ބޮޑު ރޭވުމެއް ރާވަމުން މިދަނީ، ވޭތުވެދިޔަ 20 އަހަރު ދުވަހުގެ ތެރޭގައި ފުރަތަމަ ފަހަރަށް ޔޫއެފާ ޗެމްޕިއަންސް ލީގުގެ ފައިނަލުން އެ ޓީމު ޖާގަ ހޯދުމާ ގުޅިގެންނެވެ. އާސެނަލް ފައިނަލަށް ދަތުރުކުރީ ސެމީ ފައިނަލްގައި އެތުލެޓިކޯ މެޑްރިޑްގެ މައްޗަށް 2-1 ގެ އެގްރިގޭޓް ނަތީޖާއަކުން ކުރިހޯދައިގެންނެވެ. މޭ މަހުގެ 30 ވަނަ ދުވަހު ހަންގޭރީގެ ޕުސްކަސް އެރީނާ ސްޓޭޑިޔަމް ކުޅޭ ފައިނަލް މެޗުގައި އާސެނަލް ބައްދަލުކުރާނީ އެންމެ ފަހުގެ ޗެމްޕިއަން ފްރާންސްގެ ޕެރިސް ސެއިންޓް ޖާމަން (ޕީ.އެސް.ޖީ) އާއެވެ. މި މެޗު ކުޅޭނީ އެދުވަހު ރާއްޖެ ގަޑިން ރޭގަނޑު 9 ޖަހާއިރުގައެވެ.
މިކޭލް އާޓެޓާގެ އިރުޝާދުގެ ދަށުން ކުޅެމުންދާ އާސެނަލް މިވަގުތު އޮތީ އިނގިރޭސި ޕްރެމިއާ ލީގުގެ ތާވަލުގެވެސް ކުރީގައެވެ. އެހެންކަމުން، މި ދެ މުބާރާތުގެ ތަށި އުފުލާލުމުގެ ފުރުސަތު އެ ޓީމަށް ބޮޑެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.