ރާއްޖޭގައި ގަވާއިދާ އެއްގޮތަށް ސައްޙަ ވޯކްޕާމިޓެއްގައި މަސައްކަތް ކުރަމުންދާ ބިދޭސީންގެ ތެރެއިން 98 އިންސައްތަ މީހުންގެ ބަޔޯމެޓްރިކް މައުލޫމާތު ނަގައި، އެމީހުންނަކީ ކާކުކަން ދެނެގަނެވޭނެ ގޮތަށް ނިޒާމުގެ ތެރެއަށް ވައްދާފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް ޑރ. މުއިއްޒު މީސްމީޑިޔާގައި ކުރެއްވި ޕޯސްޓެއްގައި ވިދާޅުވީ މި ސަރުކާރުގެ ތަފާސްހިސާބުތަކުން ދައްކާ ގޮތުގައި، މިހާރު ރާއްޖޭގައި ތިބި އެކްޓިވް ވޯކްޕަރމިޓް އޮތް ބިދޭސީންގެ ތެރެއިން 98 އިންސައްތަ މީހުންގެ 10 އިނގިލީގެ ނިޝާނާއި ސާފު ފޮޓޯ ވަނީ ބަޔޯމެޓްރިކަލީ ކާކުކަން ދެނެގަނެވޭނެ ގޮތަށް ނަގާ ނިމިފައިވާ ކަމަށެވެ.
މި މަސައްކަތުގެ ހަލުވި މިނަށް ބަލާއިރު، މި މިނިވަން ސަރުކާރު ހަވާލުވިއިރު، ނޮވެމްބަރު 17، 2023 ގައި ބަޔޯމެޓްރިކްސް ނެގިފައިވަނީ އެންމެ 13 އިންސައްތަ ބިދޭސީންގެއެވެ. އެހެންކަމުން، އެއް އަހަރު ދުވަހުގެ ތެރޭގައި މި އަދަދު ވަނީ ވަރަށް ބޮޑަށް އިތުރުކުރެވިފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.