3x3 ބާސްކެޓް ބޯލްގެ ދުނިޔޭގެ އެންމެ މޮޅު ކުޅުންތެރިޔާ ޑުސަން ބުލެޓް ގދ.ތިނަދޫގައި ހުންނެވިކަމަށް މޯލްޑިވްސް ބާސްކެޓް އެސޯސިއޭޝަނުން ހާމަކޮށްފިއެވެ.
މިއީ ޑުސަން ރާއްޖެ އައި ދެވަނަ ފަހަރެވެ. ރެޑްބުލް އާއި ގުޅިގެން MBA އިން މީގެ ކުރިން ވަނީ ހދ.ކުޅުދުއްފުށީގައިވެސް ޓްރެއިނިންގ ހިންގާފައެވެ. އަދި މިއީ ހުވަދު އަތޮޅުގައި މިފަދަ ޓްރެއިނިންގ 3x3 ޗެމްޕިއަނަކާއެކު ހިންގާ ފުރަތަމަ ފަހަރެވެ. ޑުސަންއަކީ ރެޑްބުލް އިން ސްޕޮންސާރކޮށްފައިވާ އެތްލީޓެކެވެ.
މޯލްޑިވްސް ބާސްކެޓް އެސޯސިއޭޝަނުން ހާމަކުރި ގޮތުގައި އެއެސޯސިއޭޝަނުން ދަނީ ހުވަދު އަތޮޅުގައި ބާސްކެޓް ބޯޅަ ކުރިއެރުވުމަށް ގދ.ތިނަދޫ އަދި ގއ.ވިލިނގިލީގައި މަސައްކަތްތަކެއް ކުރަމުންނެވެ. މީގެ ތެރެއިން މިދެރަށުގައި ކޯޗުން އުފެއްދުމާއި ޓްރެއިނިންގ ޕްރޮގްރާމްތައް ކުރިޔަށް ދިޔައިރު ދެރަށުގައިވެސް ކުޅިވަރަށް ލޯބިކުރާ ޒުވާނުންނާއި އަމިއްލަ ޖަމިއްޔާ އަދި ކްލަބްތަކުގެ އެއްބާރުލުން ވަނީ ލިބިފައިވާ ކަމަށް އެމްބީއޭ އިން ވަނީ ހާމަކޮށްފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.