މިދިޔަ އާދީއްތަ ދުވަހު ހުޅުމާލޭ ރެސްޓޯރެންޓެއްގެ ތެރޭގައި ވަޅިން ހަމަލާދީ މަރާލި ބަންގްލްދޭޝް މީހާގެ ހަށިގަނޑު ޤައުމަށް ފޮނުވައި ދިނުމަށް އޭނާގެ ޢާއިލާއިން އެދިފައިވާ ކަމަށް ބަންގްލަދޭޝްގެ މީޑިއާ ރިޕޯޓްތައް ބުނެފިއެވެ.
ބަނގުލަދޭޝް މީހަކު މަރާލާފައިވާ ކަމަށް ތުހުމަތުކޮށްފައިވަނީ ޕާކިސްތާނުގެ އުމުރުން 26 އަހަރުގެ މުހައްމަދު އާބިދަށެވެ.
ބަންގްލަދޭޝްގެ ނޫހެއްކަމަށްވާ "ޑެއިލީ ސްޓާ" ނޫހުން ރިޕޯޓްކޮށްފައިވާ ގޮތުގައި ޕާކިސްތާނު ކައްކާ އާބިދުގެ ހަމަލާއަކުން މަރުވެފައިވާ ބަންގްލަދޭޝްގެ ބްރަހްމަންބާރިއާ ސިޓީގެ ޗަމްޕޫރް ވިލެޖަށް ނިސްބަތްވާ އެމްޑީ ޝާހިން، 29ގެ އާއިލާއިން އޭނާގެ ހަށިގަނޑު ގައުމަށް ފޮނުވައިދޭން ކަމާބެހޭ ފަރާތްތަކުގެ ކިބައިން ވަނީ އެދިފައެވެ. އަދި އޭނާއަށް އިންސާފު ހޯދައިދިނުމަށްވެސް އެ ޢާއިލާއިން ވަނީ އެދިފައެވެ.
އާދީއްތަ ދުވަހު ހަވީރު ހުޅުމާލޭ ހާންޖީ ކެފޭ ތެރޭގައި މަރާލި ބަންގްލަދޭޝް މީހާއަކީ އެތަނުގައި އުޅޭ ވޭޓަރެކެވެ. އަދި އޭނާ މަރާލިކަމަށް ތުހުމަތުކުރެވޭ ޕާކިސްތާނު މީހާއަކީ އެތަނުގެ ކައްކާއެވެ. ބަނގުލަދޭޝް މީހާއަށް ޙަމަލާދީފައި އޮތް ވީޑިއޯއެއް މިހާރު ސޯޝަލް މީޑިއާގައި އާންމުވަމުންދާއިރު، އެކެފޭގެ މުވައްޒަފުން އޭނާއަށް އިތުރު ފަރުވާދޭ މަންޒަރު ވީޑިއޯއިން ފެނެއެވެ.
މިމައްސަލައާއި ގުޅިގެން ޕާކިސްތާން މީހާ ހޯދަން ފުލުހުން އެދުނު ނަމަވެސް ފުލުހުން ބުނީ އޭނާއަކީ ނުރައްކާތެރި މީހެއް ކަމަށާޢި، އަބީދު ފެނުނު ނަމަވެސް އޭނާއާ ކުރިމަތި ނުލައި ފުލުހުންނަށް ރިޕޯޓުކުރުމަށެވެ.
އެހެން ނަމަވެސް ފުލުހުން ވަނީ މިހާރު އޭނާ ހައްޔަރުކޮށްފައެވެ. އާބިދު ހައްޔަރުކޮށްފައިވަނީ ހުޅުމާލެ ދެވަނަ ފިޔަވަހީގެ ބީޗުންނެވެ. ފުލުހުން ބުނީ އޭނާގެ ބަންދަށް ވަކިގޮތެއް ކަނޑައެޅުމަށް ހުޅުމާލެ މެޖިސްޓްރޭޓް ކޯޓަށް ގެންދިއުމުން 15 ދުވަސް ޖަހާފައިވާ ކަމަށެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.