ރާއްޖޭގައި ތިބި އިންޑިއާ ސިފައިން ބޭލުމަށް ގޮވާލައި އިދިކޮޅުން ކުރިއަށް ގެންދާ "އިންޑިއާ އައުޓް" ހަރަކާތް ހުއްޓުވުމަށް ރައީސް އިބްރާހިމް މުހައްމަދު ސޯލިހު ނެރުއްވި ގަރާރަށް ގޮންޖަހައި އެ ނިންމެވުމަށް ފާޑުކީ ކަމަށް ބުނެ ވަޒީފާއިން ސަސްޕެންޑް ކުރީ ގާނޫނާއި ގަވާއިދާއި ޚިލާފަށް ކަމުގައި ޝައިޚު ޒަމްޒަމް ފާރިޝް ވިދާޅުވެއްޖެ އެވެ.
ވަޒީފާއަށް ނިކުތުން މަނާކޮށް އެޑިޔުކޭޝަން މިނިސްޓްރީން ޒަމްޒަމް އަށް އިއްޔެ ފޮނުވާފައިވާ ސިޓީއެއްގައި ވަނީ ރައީސްގެ ގަރާރަށް ފާޑުކިޔާ އެ ނިންމެވުމަށް ގޮންޖަހާ އިންޑިއާ އައުޓް ހަރަކާތަށް ހިތްވަރު ލިބޭ ގޮތަށް އޭނާ ޓްވީޓް ކުރައްވާފައިވާ ކަމަށެވެ.
އެކަމަކީ ސިވިލް ސާވިސް ގަވާއިދުގައި ބަޔާން ކުރާ ސާވިސް މުވައްޒިފެއްގެ ދައުރާއި ޒިންމާތަކާއި އަދި އުޅުމާއި ސުލޫކު ބަހައްޓަން ޖެހޭ ގޮތާއި އަދި ކޯޑް އޮފް ކޮންޑަކްޓާއި ތައާރުޒުވާ ކަމެއް ކަމަށްވެސް އެސިޓީގައި ބުނެފައިވެއެވެ. އެފަދަ މައްސަލަ ތަކުގައި މީގެ ކުރީންވެސް ޒަމްޒަމް ހާޒިރުކޮށް ސުވާލުކޮށް ނަސޭހަތް ދީފައިވާނެ ކަމަށްވެސް އެސިޓީގައި ފާހަގަކޮށްފައިވެ އެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.