ކަނޑުމަގުން ރާއްޖެއަށް އެތެރެ ކުރަން އުޅުނު ގިނަ ޢަދަދެއްގެ މަސްތުވާތަކެއްޗާއިއެކު ބަޔަކު ހައްޔަރުކޮށްފިއެވެ.
ފުލުހުން ވިދާޅުވީ، ފުލުހުންގެ އިންޓެލިޖެންސް އަށް ލިބުނު މަޢުލޫމާތަކާއި ގުޅިގެން، އެމްއެންޑީއެފް ގެ ސަދަން އޭރިޔާ ކޮމާންޑާއި ފުލުހުންނާ ގުޅިގެން ކަނޑުމަތީގައި ހިންގި މި ޚާއްސަ އޮޕަރޭޝަނުގައި 80 ކިލޯ އަށްވުރެ ގިނަ މަސްތުވާތަކެތި އަތުލައިގަނެފައިވާ ކަމަށެވެ.
އެގޮތުން މަސްތުވާތަކެތި އަތުލައިގަނެފައި ވަނީ ރާއްޖޭގެ ކަނޑުގެ ސަރަޙައްދުގެ ތެރެއިން އީރާނުގެ ބޯޓަކުން ގދ.ތިނަދޫ "ފަރުމާނު" ނަމަކަށް ކިޔާ ދޯންޏަކަށް ބަރުކުރަން އުޅުމުގެ ތެރޭގައެވެ.
ރާއްޖޭގެ ކަނޑުގެ ސަރަޙައްދުގެ ތެރެއިން ފެނުނު އީރާނުގެ ބޯޓް
މައުލޫމާތު ލިބިފައިވާ ގޮތުގައި ފުލުހުންނާއި ސިފައިން އެސަރަޙައްދަށް ދިޔައިރު އީރާނުގެ ބޯޓުން ގެނައި މަސްތުވާތަކެތި ވަނީ ދޯންޏަކަށް އަރުވާފައެވެ.
މި މައްސަލާގައި އެންމެ އިސްކޮށް ހަރަކާތްތެރިވާ ފަރާތްތައް ހޯދުމުގެ މަސައްކަތް ފުލުހުން މިހާރު ދަނީ ކުރަމުން ކަމަށް ފުލުހުން ވިދާޅުވިއެވެ.
ފަހަކަށް އައިސް ރާއްޖޭގެ ކަނޑުގެ ސަރަޙައްދަށް މަސްތުވާތަކެތި ހިފައިގެން އަންނަ ބޭރުގެ ބޯޓުތައް ގިނަވެފައިވާއިރު ކަނޑުގެ ސަރަޙައްދު ޕެޓްރޯލްކުރުމަށް އިންޑިޔާ ސަރުކާރާއި ގުޅިގެން މިހާރަށް ވުރެ ބޮޑަށް މަސައްކަތް ކުރަމުންދާ ކަމަށް ކަމާއި ބެހޭ އިދާރާ ތަކުން މަޢުލޫމާތު ދެއްވާއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.