އިންޑިޔާގެ އާރމީ އޮފިސަރ ޓްރެއިނިންގ އެކެޑެމީގެ ޕާސިންގ އައުޓް ޕެރޭޑްގެ ޝަރަފްވެރި މެހެމާނަކަށް ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް، ބައިވެރިވެ ވަޑައިގެންފިއެވެ.
އިންޑިޔާގެ ޗެންނާއީގައި މިއަދު ހެދުނު ބޭއްވުނު އިންޑިއަން އާމީ އޮފިސަރ ޓްރެއިނިންގ އެކެޑެމީގެ ޕަރަމެސްވަރަން ޑްރިލް ސްކެއަރގައި ޖެނެރަލް ޝަމާލް ބައިވެރިވެ ވަޑައިގެންނެވީ އިންޑިއާގެ ޗީފް އޮފް އާމީ ސްޓާފްގެ ދައުވަތަކަށެވެ.
މިރަސްމިއްޔާތުގައި އެ އެކެޑެމީން އަލަށް އޮފިސަރުންގެ ގޮތުގައި ދަސްވެނިވާ ކެޑޭޓުންނާ މުޚާޠަބުކުރައްވައި ވާހަކަފުޅު ދައްކަވަމުން ޝަމާލް ވިދާޅުވީ މުސްތަޤުބަލަށް މިއަދު ބިނާކުރެވޭ އާ ޖީލުގެ އޮފިސަރުންނަށް މުޅިން ތަފާތު ސަލާމަތީ ގޮންޖެހުންތަކާ ކުރިމަތިލާން ޖެހިފައިވާކަމަށެވެ. އަދި އެ ކަންކަމަށް ހޭލުންތެރިވެ ތިބުމަށް ޝަމާލް އިލްތިމާސްކުރެއްވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.