ޝިޢާއުގެ ހަތަރެސްފައިވެސް އޮތީ ބުރިކޮށްލާފައި!

ރޭ މާލޭގައި މަރާލި 22 އަހަރުގެ ޒުވާން އަންހެނެއް ކަމަށްވާ ޝިއާއު މުހައްމަދު ސައީދުގެ ކަރުގެ އިތުރުން ހަތަރެސްފައި ވެސް ވަނީ ބުރިކޮށްލާފައެވެ.

ރޭ 10:30 ހާއިރު،  ޝިޢާއު މަރާލާފައި އޮތީ ޗީބޯ ގޯޅި ތެރޭގައި ހުރި ހ. ޝީރީން ވިލާގަ އެވެ. މިއީ ފަހުގެ ތާރީހެއްގައި ރާއްޖޭގައި ހިންގި އެންމެ އަނިޔާވެރި އެއް މަރުގެ ހާދިސާ އެވެ.

ޝިއާއުގެ އާއިލާ ބައެއް މެންބަރުންނާއި ހަވާލާދީ އޭނާގެ ގާތް މީހަކު އޮންލައިން ނޫސް "ވަގުތު" އަށް މައުލޫމާތު ދެމުން ބުނީ ޝިއާއުގެ ދެއަތް ވެސް އުޅަނބޮއްޓާ ހިސާބުން އޮތީ ބުރިކޮށްލައިފައި ކަމަށެވެ.  އަދި ޝިއާއުގެދެ ފައި ވެސް އޮތީ ބުރިކޮށްލައިފައި އޮތްއިރު ކަރު މުޅިން ބުރި ވެފައި ނުވާ ކަމަށާއި ނަމަވެސް ކަރު ވަކިނުވެ އޮތީ "ކިރިޔަކިރިޔާ" ކަމަށް ޝިއާއުގެ ގާތް މީހަކާއި ހަވާލާދީ "ވަގުތު" އިން ރިޕޯޓް ކުރެއެވެ.

އެ ސަރަހައްދުގައި ހުރި މީހަކު ބުނީ އެ އަންހެން ކުއްޖާގެ ހަށިގަނޑު ފުލުހުން ބޮޑީ ބޭގަކަށްލައިގެން ގެންދިޔައިރު ވަކި ދެ ބޭގެއް ގެންދިޔަ ކަމަށެވެ. އަދި ބޮޑަށް ބެލެވެނީ ވަކި ގެންދިޔަ ބޭގަކީ އެ އަންހެން ކުއްޖާގެ ބޯ ހިފައިގެން ދިޔަ ބޭގް ކަމަށް އޭނާ ބުންޏެވެ.

ޝިއާއުގެ ހަށިގަނޑު ރޭގެ ވަގުތެއްގައި ވަނީ އޮތީ ގަލޮޅު މޯޗަރީއަށް ގެންގޮސްފައެވެ.

ޝިއާއުގެ ގާތިލަކީ، އޭނާގެ ލޯބިވެރިޔާ، ފ. ނިލަންދޫ، ފިނިފެންމާގެ، އުމުރުން 23 އަހަރުގެ އަލީ ޝާހިލް އެވެ. އަދި އޭނާ ވަނީ ރޭ ފުލުހުންގެ ބެލުމުގެ ދަށަށް ގެނެސްފައެވެ.