ޔުނިކް ސްޕޯރޓްސް ކްލަބުން ގދ. ތިނަދޫގައި ކުރިޔަށްގެންދާ ޔުނިކް 8ބޯލް ބިލިއާރޑް މުބާރާތުގެ ސެމީ-ފައިނަލަށް ޒައިދު އަދި ޔަޝްފައު ދަތުރު ކޮށްފިއެވެ.
މި ކުޅުންތެރިންނަކީ މުބާރާތުގެ ވިނާރސް ފަޅިން ސެމީއަށް ދަތުރު ކޮށްފައިވާ ދެ ކުޅުންތެރިންނެވެ. މިމެޗު އޮންނާނީ މިރޭ 21:15ގައި މުބާރާތް ކުރިޔަށްދާ ޔުނިކް ސޯޝަލް ސެންޓަރުގައެވެ.
މުބާރާތުގެ ލޫޒާރސް ފަޅީގައި މިރޭ ސެމީގެ ދެ މެޗު ކުޅުމަށް ހަމަޖެހިފައިވާއިރު ފުރަތަމަ މެޗުގައި ބައްދަލު ކުރާނީ އަނޫފް އަދި ރައްޔާން އެވެ. މި މެޗުން މޮޅުވާ ކުޅުންތެރިއަކު ސެމީގެ ދެވަނަ މެޗުގައި ބައްދަލު ކުރާނީ މުބާރާތުގެ ވިނާރސް ފަޅީގެ ސެމީ އިން ބަލިވާ ކުޅުންތެރިޔާއެވެ.
މި މުބާރާތުގެ ސެމީގެ ތިން މެޗުވެސް މިރޭ ކުޅުމަށް ހަމަޖެހިފައިވާއިރު، ފައިނަލް މެޗު ކުޅުމަށް ހަމަޖެހިފައިވަނީ މާދަމާރޭ އެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.