ޓޯނިވަލް މާދަމާރޭ ގަލޮޅު ދަނޑުގައި

ރާއްޖޭގެ އެކި ފަންނާނުންނާއި ބޮލީވުޑް، ސައުތުއިންޑިޔާގެ ބައެއް ފަންނާނުންނާ ދެމެދު ކުޅޭ އެކުވެރިކަމުގެ މި ޓޯނިވަލް އަށް އެތައް ބަޔަކު ކުރަމުން އައި އިންތިޒާރަށް ނިމުމެއް އައިސް މާދަމާރޭ ގަލޮޅުދަނޑުގައި މިބޭއްވެނީ މި ޓޯނިވަލްގެ އޯޕަނިންގ ސެރެމަނީއެވެ. އޭގެ ފަހުގައި މި ޓުއަނިވަލް

އިންޑިޔާގެ ކުންފުންޏަކުން އިސްނަގައިގެން ދިވެހިރާއްޖޭގެ އެކި ދާއިރާތަކުގެ ފަންނާނުންނާއި ބޮލީވުޑްގެ މަޝްހޫރު، ކާމިޔާބު ފަންނާނުންނާއި ދިވެހިރާއްޖޭގެ އެކި ތަފާތު ފަންނާނުންނާ ދެމެދު ކުޅެވޭ ފުޓުބޯޅަ މެޗު، ޓޯނިވަލް ފެށުމުގެ ވަގުތު ކުޑަވަމުންދާ ވަރަކަށް މި އިވެެންޓުގެ އިންތިޒާރުގައި ތިބި ފަރާތްތަކުން ވަމުންދާ ތައްޔާރީތައް ދަނީ އިތުރު ވަމުންނެވެ. 

މިޓޯނިވަލް އަކީ ސައުތުއިންޑިޔާގެ މަޝްހޫރު ފަންނާާނުންނާއި ބޮލީވުޑްގެ ނަން މަޝްހޫރު ފަންނާނުންނާއި ދިވެހިރާއްޖޭގެ އެކި ފަންނާނުންނާ ދެމެދު ކުޅޭ އެކުވެރިކަމުގެ ފުޓްބޯޅަ މެޗެކެވެ. މާދަމާރޭ ގަލޮޅު ދަނޑުގައި ކުޅެވޭ މިމެޗަށް ވަނުމުގެ ޓިކެޓު މިހާރު ދަނީ ވިކެމުންނެވެ. ޓިކެޓެއްގެ އަގަކީ -/150 ރުފިޔާ އެވެ. 

ޓޯނިވަލްގައި ބައިވެރިވާ ސައުތުއިންޑިޔާގެ ފަންނާނުންނާއި ބޮލީވުޑުގެ ފަންނާނުން ވަނީ ރާއްޖެ އައިސްފައެވެ. އޭގެ ތެރޭގައި މަޝްހޫރު ހިންދީ ބަތަލު އާފްތާބް ޝިވްދާސްނީ، ރޯހިތު ރޯއި، އާއި އަނޫޕްސިިންގ ފަދަ ފަންނާނުންވެސް ހިމެނެއެވެ. އަދި އެންމެ ހާއްސަ ފަރާތަކީ އުރުވަޝީއެވެ. މުޅި ޓޯނިވަލްގެ ވިދުމަކަށް އުރުވަޝީ ވަނީ ވެފައެވެ.

މިއީ ރާއްޖޭގައި އޯޕަނިންގ ސެރެމަނީ ބޭއްވި ކަމުގައި ވިޔަސް މި ޓޯނިވަލްގެ ބާކީ އިވެންޓުތައް އެހެން ގައުމުތަަކުގައި ކުރިއަށް ގެންދާނެއެވެ. އެގޮތުން ރާއްޖެއަށް ފަހު ދެން ސްރީލަންކާ، ދުބާއީ، ސިންގަޕޫރުގެ އަށްފަހު ޔޫއެސްއޭ ގައި މި ޓުއަނިވަލް ކުރިއަށް ދާނެއެވެ.

ހުވަދޫ ނޫހަށް ޓޯނިވަލް އާ ބެހޭ ގޮތުން މައުލޫމާތު ދެމުން ޖާދުﷲ އިސްމާއީލް ބުނީ މިއީ ވަރަށްވެސް އުފާވެރި ބައްދަލު ވުމެއްކަމަށެވެ. އަދި ވީހާވެސް ގިނަ ފަރާާތްތަކުން ޓޯނިވަލްއަށް ދިިއުމަކީ އެދުމެއްކަމަށްވެސް ބުންޏެވެ.