އިސްލާމް ދީނުގެ އާދަކާދަ އާއި ޘަޤާފަތަށް އެކަމުގެ އަސަރު ފޯރުވަ އެވެ. އިސްލާމީ ރިވެތި އަޤީދާ ބަދަލު ކޮށްލަ އެވެ. ޓެކްނޮލޮޖީ އާއި މީޑިޔާގެ ޒަރިއްޔާ އިން ހުޅަނގުގެ ފެޝަންތައް ތަޢާރަފް ކުރުމުގެ ސަބަބުން މުސްލިމު ޒުވާން ޖީލު އެކަމަށް ހެއްލިދެ އެވެ. ކުލުނާއި އޯގާތްތެރިކަން ދެފުށް ދެގޮތްކުރުވައެވެ. ލޭ އޮހޮރު ވުމަކާއި ނުލައި އެމީހުންގެ މަޤުސަދު ޙާސިލްކުރެއެވެ. ކުޅިވަރުތައް މެދުވެރިކޮށްގެން އަޚްލާޤު ބަދަލު ކޮށްލައެވެ.
މީޑިޔާ މެދުވެރިކޮށް އިންސާނާގެ ސިކުނޑި އެފުށް މިފުށަށް ޖަހާލައެވެ. ވިސްނުމާއި ފިކުރިއްޔާތުގެ ނަޒަރިއްޔާ ބަދަލު ކޮށްލައެވެ. ދީނުގައި ކަންތައްތައް އޮންނަ ގޮތްނޫން އެހެން ގޮތްގޮތް ރީތިކުރުވައެވެ. އިންސާނާގެ ވިސްނުމަށް ނުފޫޒު ފޯރުވައެވެ.
މުޖުތަމަޢުގައި ފިތުނަ ފަސާދަ އުފައްދައި މުޖުތަމަޢު ބައިބައި ކޮށްލައެވެ. ވަކި ބައެއްގެ ބާރާއި ނުފޫޒު ގަދަވެ އިންސާފާއި ހަމަހަމަކަން ނެތި ހިގާދެއެވެ. ބިރު ފަހަނާޅައި ހިގައިދެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.