ތިނަދޫ ކުނިގޮނޑަށް އުކާލާފައިވާ ކުނީގެ ތެރޭގައި ދިވެސްއަކު ޑޮނޭޓް ކޮއްފައިވާ ލޭ

ތިނަދޫ ކުނި ގޮނޑަށް އުކާލާފައިވާ ކުނީގެ ތެރޭގައި ލެބޯޓަރީ އަކަށް ޑޮނޭޓް ކޮއްފައިވާ ލޭ ޕެކެޓެއް އޮއްވާ ފެނިއްޖެއެވެ.

އިއްޔެ ހަވީރު ގދ ތިނަދޫ ކުނިގޮނޑަށް އުކާލެވިފައިވާ ކުނިތަކުގެ ތެރެއިން ފެނިފައިވާ މިލޭ ޕެކެޓަކީ 2022 ވަނަ އަހަރުގެ ފަހުކޮޅުގައި ދިވެއްސެއްގެ ގައިން ނަގާފައިވާ ލޭކަން އަދި އެ މީހާގެ ބައެއް މައުލޫމާތު އެ ޕަކެޓުގެ ބޭރުގައިވާ ލިޔުމުން ހާމަވެއެވެ.

އިއްޔެގެ ހަވީރު ތިނަދޫ ކުނިގޮނޑަށް ދިޔަ ބަޔަކަށް އެތަނުގައި ހުރި ކުނީގެ ތެރެއިން ފެނުނު މި ލޭ ޕެކެޓުގެ އިތުރުން ބޭނުންކޮށްފައިވާ ގިނައަދަދެއްގެ ސިރިންޖުތަކާއި ޑިސްޕޯސަބަލް އަންގިތަކާއި ހޮސްޕިޓަލެއްގެ ލެބޯޓްރީއެއްގައި ބޭނުންކުރާފަދަ ބައެއް ސާމާނުތައް ވަނީ ފެނިފައެވެ. މި މަޢުލޫމާތު ލިބުމުން ހުވަދޫ ގެ ނޫސްވެރިން ވަނީ އެ އީ ތެދެއްތޯ ކަށަވަރު ކުރުމަށް އެ ތަނަށް ގޮސް ބަލާފައެވެ.

މިފަދަ ތަކެތި ބޭނުން ކުރާ ތަނަކަށް ތިނަދޫގައި ހުންނަނީ ތިނަދޫ ޑރ އަބްދުއްސަމަދު މެމޯރިއަލް ހޮސްޕިޓަލް ލެބޯޓަރީކަމަށް ވާތީ މިއީ އެ ލެބޯޓަރީއިން އުކާލެވިފައިވާ ތަކެތިކަމަށް ބެލެއެވެ. އަދި އެތަނުން ފެނުނު ކުނިތަކުގެ ތެރޭގައި ހޮސްޕިޓަލުގެ ލެބޯޓަރީގެ ނަން ލިޔެވިފައިވާ ކަރުދާސްކޮޅުތަކެއް ވެސް ވަނީ ފެނިފައެވެ.

ތިނަދޫ ކުނިގޮނޑުން ފެނުނު ތަކެތި

ތިނަދޫ ގެ ކުނިގޮނޑަށް ވިހަ ދުން އުފެދޭ އަދި އެގޮތަށް އުކާލައި އަނދާ ނުލެވޭ ޒާތުގެ އެއްޗެހި ތަކެއް މިއަދު ފެނިފައި ވާ އިރު ރަށުގެ މީހުން ދިރިއުޅޭ ހިސާބާއި ކައިރީގައި ހުންނަ ކުނި ކޮށީގެ ކުނިތައް ރޯ ކުރުމުގެ ސަބަބުން އޭގެ ދުންތަކުގެ އަސަރު މުޅި ރަށު ތެރެއަށް ކޮންމެ ރެޔަކުހެން ހުންނާތީ ރައްޔިތުން ދަނީ ކަމާ ބެހޭ ފަރާތްތަކުގައި ޝަކުވާ ކުރަމުންނެވެ.