ގދ ފިޔޯރީ ކައުންސިލް ގެ މި އަހަރުގެ ރަމަޟާން މަހުގެ ޤުރުއާން މުބާރާތް އިންތިޒާމް ކޮށް ހިނގާ ދޭނެ ޖަމިއްޔާ އަކީ މިފަހަރުވެސް ފިޔޯރީ އެސޯސިއޭޝަން ފޮރ ކޮމިއުނިޓީ އެންޕަވަރމެންޓް (ފޭސް) ކަމަށް އިޢުލާންކޮށް, މުބާރާތް ހިންގަން އެ ޖަމްޢިއްޔާ އާއި ޙަވާލު ކޮއްފިއެވެ.
މި މުބާރާތަކީ 4 ވަނަ ދައުރުގެ ކައުންސިލް އިންތިހާބު ވުމާއެކު ކޮންމެ އަހަރަކު ރޯދަމަހު ބޭއްވުމައް ނިންމާފައިވާ ޤުރުޢާން މުބާރާތެކެވެ. މުބާރަތް ކުރިއަށް ގެންދަނީ ފިޔޯރީ ކުލަބް ޖަމްޢިއްޔާތަކަށް ފުރުސަތު ހުޅުވާލާއިގެން އިއުލާން ކުރެވި، ހުށަ ހެޅޭ އެންމެ ރަނގަޅު ޕްރޮޕޯސެލެއް ހުށަހަޅާ ކުލަބް ޖަމިއްޔާ މެދުވެރިކޮށް މުބާރަތް ހިންގާ ގޮތަށެވެ.
މިގޮތުން 1444 ވަނަ އަހަރު ރަމަޟާން މަހު ޤުރުއާން މުބާރާތް ބޭއްވުމަށް ފިޔޯރީ އެސޯސިއޭޝަން ފޯރ ކޮމިއުނިޓީ އެންޕަވަރމެންޓާއި އެކު އެއްބަސްވުމުގައި އިއްޔެ ވަނީ ސޮއި ކުރެވިފައެވެ.
ފޭސް: ފިޔޯރީ އެސޯސިއޭޝަން ފޯރ ކޮމިއުނިޓީ އެމްޕަވާރމަންޓް
މިއަހަރުގެ މުބާރާތަށް ކައުންސިލުން -/50،000 ޚަރަދު ކުރުމަށް ނިންމާފައިވާ އިރު މިދިޔަ އަހަރުވެސް މި މުބާރާތައް 40 ހާސް ރުފިޔާ ވަނީ ކައުންސިލުން ޚަރަދު ކޮށްފައެވެ.
ފިޔޯރީގެ ދަރިވަރުންނާއި ރައްޔިތުންގެ ހިއްތަކުގައި ކީރިތި ޤްރުޢާނަށް ލޯބި ޖެއްސުވުމުގެ މަޤުސަދުގަ ހިންގަމުންދާ މުބާރާތުގެ ނަމަކީ "ފިޔޯރީ ކައުންސިލް ފޭސް ޤްރުއާން މުބާރާތް 1443" އެވެ.
މިދިޔަ އަހަރުގެ މުބާރާތުގެ ތެރެއިން
ހުވަދޫ ނޫހުން މައުލޫމާތު ދެއްވަމުން ފިޔޯރީގެ ރައީސް ފައިޒަރު ރަޝީދު ވިދާޅުވީ ދެދުވަހެއްވަރުގެ ތެރޭގަ މުބާރާތުގައި ބައިވެރިވުމުގެ ފުރުސަތު ހުޅުވާލާނެ ކަމަށާއި މި މުބާރާތަކީ ރަށުގެ ކުދިންނާއި ރައްޔިތުންނަށް އަމާޒު ކޮއްގެން ހިންގާ މުބާރާތެއް ކަމުން މިދިޔަ އަހަރު މި މުބާރަތް ހިންގީ ރަށުގެ ތިން އަވަށު ތަމްސީލު ކުރެވޭ ގޮތައް ބައިވެރިން ހިމަނައިގެން ކަމަށާއި އޭގެ ބޭނުމަކީ ރަށުގެ ނެތެމުންދާ އަވަށު ރޫޚު އާލާ ކުރުން ކަމަށެވެ. އަދި އެކަމުގެ ނަތީޖާ މިދިޔަ އަހަރު އަވަށުތަކުން ވަރައް ފުރިހަމަ އަށް ވަނީ ފެނިގެން ގޮސފައި ކަމަށް ވެސް ރައީސް ފައިޒަރު ވިދާޅުވިއެވެ.
"އަވަށުގެ ރޫޚު ވަރައްރަގަޅައް ފެނިގެންދިޔަ ފޯރި ގަދަ މުބާރާތެއް ފެނުނީ.. އެއާ އެކު މިއަހަރުވެސް އަދި ވިސްނުން ހުރި އެގޮތައް ކަމަށް ކުރިއްށް ގެންދަން" ގދ ފިޔޯރީ ކައުންސިލުން ކުރިޔަށް ގެންދާ ޤުރުއާން މުބާރާތާ ބެހޭ ގޮތުން ކައުންސިލް ރައީސް ފައިޒަރު ރަޝީދު ވިދާޅުވިއެވެ.ރައީސް ވިދާޅުވީ މިގޮތައް ޖަމިއްޔާ ޖަމާޢަތް މެދުވެރި ކޮށް ކަން ކުރަނީ ޖަމިއްޔާ ޖަމާޢަތްތައް ރަށުގެ ކުރިއެރުމާއި ތަރައްޤީއަށް ކޮއްމެހެންވެސް މުހިއްމު ބައެއްކަމަށް ދެކޭތީ އެފަރާތްތައް މަލީ އެހީތެރިކަން ފޯރުކޮއްދީ ހަރަކާތްތައް ހިންގުވާ ރަށުގެ ބާރުގަދަ ބަޔަކަށް ހެދުން ކަމަށެވެ.
މިދިޔަ އަހަރުގެ ރަމަޟާން މަހު ކުރިޔަށް ގެންދިޔަ ފިޔޯރީ ކައުންސިލް ފޭސް ޤްރުއާން މުބާރާތް 1442" އަށް ވެސް ވަނީ ވަރަށް ބޮޑު ތަރުތީބެއް ލިބިފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.