ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޑެޕިއުޓީ މެނޭޖިންގ ޑިރެކްޓަރުގެ މަގާމަށް ބްރޯޑްކޮމްގެ ނައިބު ރައީސްކަމުގެ މަގާމުގައި ކުރިން ހުންނެވި ގދ ތިނަދޫ ،އަހުމަދު ގައިސް އައްޔަންކޮށްފިއެވެ.
އެޗްޑީސީގެ ޑީއެމްޑީގެ މަގާމަށް އަހުމަދު ގައިސް އައްޔަންކުރައްވާފައިވަނީ މިއަދުއެވެ.
އެޗްޑީސީގެ ޑެޕިއުޓީ މެނޭޖިން ޑިރެކްޓަރުގެ މަގާމު ގައި އެންމެ ފަހުން ހުންނެވިީއެ ކުންފުނީގެ މިހާރުގެ މެނޭޖިން ޑިރެކްޓަރު އަހުމަދު އާތިފެވެ.
ގައިސް މީގެ ކުރިން ހުންނެވީ މޯލްޑިވްސް ބްރޯޑްކާސްޓިންގ ކޮމިޝަންގެ (ބްރޯޑްކޮމް) ނައިބު ރައީސްގެ މަގާމުގައެވެ. ގައިސް ވަނީ ނިމިދިޔަ ޖެނުއަރީ މަހުގައި އެ މަޤާމުން އިސްތިއުފާ ދީފައިއެވެ. އޭނާ އެ މަޤާމުން އިސްތިއުފާ ދީފައިވަނީ އެމްޑީޕީގެ ޕްރައިމަރީގައި ވާދަކުރެއްވި ރައީސް އިބްރާހިމް މުހައްމަދު ސޯލިހުގެ ކެމްޕެއިނަށް ވަގުތު ދިނުމުގެ ގޮތުން ކަމަށް އޭނާ ވަނީ ވިދާޅުވެފައެވެ.
އެ މަޤާމުން އިސްތިއުފާދިނުމަށްފަހު އޭނާ ވަނީ ރައީސް ޞޯލިހުގެ ކެމްޕެއިންގައި އަމަލީގޮތުން މަސައްކަތްކޮށްފައެވެ. ބްރޯޑްކޮމްއަށް އައްޔަންކުރުމުގެ ކުރިންވެސް ގައިސް އަކީ އެމްޑީޕީގެ އެކްޓިވިސްޓެކެވެ. އޭނާއަކީ ފިއުލް ސަޕްލައި މޯލްޑިވްސް (އެފްއެސްއެމް) ގެ މެނޭޖިން ޑިރެކްޓަރު މުހައްމަދު ގަސަމްގެ ކޮއްކޮއެވެ.
ގދ، ތިނަދޫއަށް ނިސްބަތްވާ ގައިސް ވަނީ ގދ. އަތޮޅު ކައުންސިލްގެ މެމްބަރުކަންވެސް ކޮށްފައިއެވެ. ގައިސް ވަނީ އެމްޑީޕީގެ ތިނަދޫ ގޮފީގެ ރައީސް ކަން ކުރައްވައިފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.