ބައިނަލްއަޤްވާމީ މަސައްކަތްތެރިންގެ ދުވަސް ފާހަގަ ކުރުމުގެ ގޮތުން ތިނަދޫ ސްކޫލް ދަރިވަރުން ގދ ތިނަދޫ ގެ 18 މުވައްސަސާ އަކަށް ތަޖުރިބާގެ ތަފާތު ޒިޔާރަތެއް ކޮށްފި އެވެ.
ތިނަދޫ ސްކޫލް ގެ ކީ ސްޓޭޓް 2 ގެ 175 ދަރިވަރުން 18 ގުރޫޕަކަށް ބަހާލައިގެން މިއަދު ހެނދުނު ކުރިޔަށް ގެންދިޔަ މި ޒިޔާރަތާ ގުޅޭ ގޮތުން "ހުވަދޫ" މީޑިއާއަށް މައުލޫމާތު ދެއްވަމުން ތިނަދޫ ސްކޫލް ގެ ޕްރިންސިޕަލް ޝަޒިއްޔާ އަހްމަދު ވިދާޅުވީ މިއަދު ދަރިވަރުން ކުރި ތަޖުރިބާ އަކީ ދަރިވަރުންނަށް ވަރަށް ތަފާތު ކަމެއް ކަމަށާއި މުޖުތަމަޢުގައި ދައުލަތެއް ހިނގުމަށާއި ރަށެއްގެ އުމުރާނީ ،އިޤްތިޞާދީ އަދި އިޖްތިމާޢީ ގޮތުން ކުރަމުންދާ މަސައްކަތް އަމިއްލައަށް ޢަމަލީ ގޮތުން ބައިވެރިވެ އެ މަސައްކަތްތެރިންގެ ނުވަތަ މުވައްޒަފުން ކުރަމުންދާ މަސައްކަތުގެ އަގުވަޒަންކުރުމަށް ލިބުނު ފުރުޞަތެއް ކަމަށެވެ.
ތިނަދޫ ސްކޫލްގެ ދަރިވަރުން މިއަދު ކުރި ތަޖުރިބާގެ ޒިޔާރަތުގެ ތެރެއިން , ފޮޓޯ:ތިނަދޫ ސްކޫލް
އިތުރަށް މައުލޫމާތު ހިއްސާ ކުރައްވަމުން ޕްރިންސިޕަލް ޝަޒިއްޔާ ވިދާޅުވީ ތިނަދޫ ސްކޫލްގެ ދަރިވަރުން މިއަދު ކުރި ޒިޔާރަތުގައި ކޮންމެ އިދާރާ އަކަށް, މަސައްކަތުގެ މާހައުލުގައި 'ފެނާ ގަހުގެ މުހިންމު ކަން' އަންގައިދޭ މައުލޫމާތު އެކުލެވޭ ހަދިޔާ އެއް ދެވުނު ކަމށާއި އެގޮތުން 18 އިދާރާ އަށް ފެނުގައި އިންދާފައިވާ 18 ގަސް ވަނީ ދީފައި ކަމަށް އޭނާ ވިދާޅުވިއެވެ.
ތިނަދޫ ސްކޫލްގެ ދަރިވަރުން ތިނަދޫ ސްޓޭޑިއަމް ގައި އެތަނުގައި ހިގަމުންދާ މަސައްކަތްތަކުގައި ޢަމަލީ ގޮތުން ބައިވެރިވެ ތަޖުރިބާ ކުރަނީ. ފޮޓޯ: ތިނަދޫ ސްޓޭޑިއަމް
ޕްރިންސިޕަލް ވިދާޅުވީ މިއަދު ދަރިވަރުން ޒިޔާރަތް ކުރި ހުރިހާ ތަނަކުންވެސް ދަރިވަރުންނަށް އެ ވަޤުފު ޚާއްޞަ ކޮށް ވަރަށް ގިނަ މައުލޫމާތާއި ޢަމަލީ ތަޖުރިބާ ދިން ކަމަށާއި އެފަދަ ދުވަހެއް ފާހަގަކޮށް އެތަންތަން ހިނގާނުހިނގާ ގޮތް ބެލުމަށް ޒިޔާރަތެއް ކުރީތީ އެކަމުގެ އަގު ވަޒަންކޮށް އެފަރާތަކަށް ވެސް ތަފާތު ހަދިޔާ ތައް ދިން ކަމަށެވެ. އަދި އެ ހުރިހާ އިދާރާ ތަކުން ދިން އެއްބާރުލުން ފާހަގަކޮށް ޝުކުރު ދަންނަވާ ކަމަށް ވެސް ޕްރިންސިޕަލް ޝަޒިއްޔާ ވިދާޅުވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.