ގދ.ތިނަދޫ ބަނދަރުގައި މަސް ކިރާނެ ބޯޓެއް ނެތިގެން މަސްވެރިންނާއި އޮޑިވެރިން އިހްތިޖާޖް ކުރަން ފަށައިފިއެވެ.
ތިނަދޫ އައިސް ޕްލާންޓް ކުރިމަތީގައި މިއަދު މެންދުރު 2 ޖެހި އިރު ފެށި މި އިހްތިޖާޖް ގައި ބައިވެރިވި މަސްވެރިން ހުވަދޫ މީޑިއާ އަށް މައުލޫމާތު ދެމުން ބުނީ އެމީހުންގެ އިހްތިޖާޖަކީ ގިނަ އަދަދަކަށް މަސް ބާނައި އެ މަސްތައް ނުކިރި ގިނަ ދުވަސް ވުމާއި އަބަދު އައިސް އަޅައަޅައި ތިނަދޫ ބަނދަރުގައި ތިބެފަ, މަސް ކިރަން ފަރެސްމާތޮޑާ ބަނދަރަށް ދާން ޖެހުމުގައި އުނދަގޫ ހުއްޓުވުމަކަށް ގެނައުމެވެ.
"މި ތިބީ އެތައް ސަތޭކަ ޓަނުގެ މަހާ އެކީ ބައެއް ދޯނި ފަހަރު މިހެން ތިބޭތާ 2 ހަފުތާ ވެއްޖެ"މަސްވެރިއަކު ބުންޏެވެ.
އިހްތިޖާޖް ގެ ބައިވެރިން ބުނުމުން ދަނީ ތިނަދޫ ބަނދަރަށް ކުރިންވެސް އޮތް ގޮތަށް މަސް ކިރާނެ ބޯޓެއް ގެނައުމަށެވެ.
ތިނަދޫ އައިސް ޕްލާންޓް ކުރިމައްޗަށް ގިނަ އަދަދެއްގެ ދޯނި ތަކެއް ޖަމާ ވެފައިވާ އިރު ބައެއް މަސްވެރިން ތިބީ ތިނަދޫ އައިސް ޕްލާންޓް ކުރިމަތީގައި ޖޯލި އަތުރައިގެން ނެވެ. އެމީހުން ބުނީ ސަރުކާރުން މިކަމުގައި ޒިއްމާ ނަގާ ޖަވާބެއް ދޭން ޖެހޭ ކަމަށެވެ.
މި އިހްތިޖާޖް ގައި ބައިވެރިވާ މީހުން ދަނީ އިތުރަށް ގިނަވަމުންނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.