އަމިއްލަ މެމްބަރެއްގެ ގޮތުގައި މަޖިލީހަށް އިންތިޚާބުވި ނިލަންދޫ ދާއިރަގެ ރައްޔިތުންގެ މަޖިލީހުގެ މެންބަރު ޢަބްދުލްމުޙްސިން ޙަމީދު، ވެރިކަންކުރާ މައި ޕާޓީ އެމްޑީޕީއާއި ގުޅިވަޑައިގެންފިއެވެ.
މެންބަރު ޢަބްދުލްމުޙްސިން އެމް.ޑީ.ޕީއާއި ގުޅިވަޑައިގަތީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ފ.އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ.
https://twitter.com/presidencymv/status/1662349876095770624?s=20
މިގޮތުން ރައީސުލްޖުމްހޫރިއްޔާ ނިލަންދޫ ކައުންސިލާއި ބައްދަލުކުރެއްވުމަށް ބޭއްވެވި ބައްދަލުކުރެއްވުމަށްފަހު މެންބަރު ޢަބްދުލްމުޙްސިން އެމް.ޑީ.ޕީއާއި ގުޅިވަޑައިގެން ސޮއިކުރެއްވި ފޯމް ވަނީ ރައީސުލްޖުމްހޫރިއްޔާ އަދި އެމް.ޑީ.ޕީގެ އިސް ލީޑަރު އިބްރާހީމް މުޙައްމަދު ޞާލިޙާއި ޙަވާލުކުރައްވާފައެވެ.
https://twitter.com/MDPSecretariat/status/1662369117419208704?s=20
މެންބަރު ޢަބްދުލްމްޙްސިން މިހާތަނަށް މަޖިލީހުގައި ހުންނެވީ މިނިވަން މެންބަރެއްގެ ގޮތުގައެވެ. ޢަބްދުލްމުޙްސިން ވެރިކަން ކުރާ މައި ޕާޓީ އެމް.ޑީ.ޕީއާއި ގުޅިވަޑައިގަތުމުން އެޕާޓީގެ ފަރާތުން މަޖިލީހުގައި ތަމްސީލްކުރައްވާ މެންބަރުންގެ ޢަދަދު ވަނީ 56 އަށް އިތުވެފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.