މާލޭން ރ. އަތޮޅަށް ދަތުރުކުރަމުން ދިޔަ ބޯޓެއްގައި އަލިފާން ރޯވެ، އަނދަން ފަށައިފިއެވެ.
މާލެއިން ފުރައިގެން ރ.ރަސްގެތީމަށް ދަތުރުކުރި "ހޮރައިޒިއާ 2" ނަމަކަށް ކިޔާ ބޯޓެއްގެ އިންޖީންރޫމްގައި އަލިފާން ރޯވެގެން އެމްއެެންޑީއެފް ކޯސްޓްގާޑް މެރިޓައިން ރެސްކިއު ކޯޑިނޭޝަން ސެންޓަރ (އެމްއާރުސީސީ) އިން ހަރަކާތްތެރިވާން ފަށައިފިއެވެ.
https://twitter.com/MNDF_Official/status/1664655656660631552?s=20
ބޯޓްގައި އަލިފާން ރޯވެފައިވަނީ ބ. އަތޮޅު ފޯ ސީޒަން ރިސޯޓް (ލަނޑާ ގިރާވަރު) އުތުރުން 3.04 ނޯޓިކަލް މޭލު ބޭރުގައި އޮއްވަ އެވެ. މިހާރު ދައުރުވަމުންދާ މަންޒަރުތަކުން ފެންނަ ގޮތުގައި، އެ ބޯޓްގައި ރޯވެފައިވާ އަލިފާންގަނޑު އަދިވެސް ކޮންޓްރޯލް ކުރެވިފައެއް ނުވެއެވެ.
https://twitter.com/UmayAhmed/status/1664650998969769985?s=20
"ހޮރައިޒިއާ 2" އިން ދަތުރުކުރަމުން ދިޔަ 10 މީހުން ސަލާމަތްކޮށް ފޯ ސީޒަން ރިސޯޓުގެ ލޯންޗަކަށް އެ މީހުން މިހާރު ނަގާފައިވާ ކަމަށާއި، އެ މީހުންގެ ހާލު ރަނގަޅު ކަމަށް އެމްއެންޑީއެފުން ބުންޏެވެ.
އަދި ބ. އޭދަފުށީގެ ސީ އެމްބިއުލާންސާއި ޅ. މާފިލާފުށިން ކޯސްޓްގާޑުގެ ހާބަރު ކްރާފްޓް ލޯންޗް މިހާރު ދަނީ އަލިފާން ރޯވެފައިވާ ސަރަހަށްދަށް ދިއުމަށް ދަތުރުކުރަމުން ކަމަށް ވެސް އެމްއެންޑީއެފުން ބުންޏެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.