ގދ ތިނަދޫ ރައްޔިތުންގެ ޢިމާރާތެއްގެ ގޮތުގައި ހަދާފައިވާ ދަރުބާރުގެ(އާބާދީ މަރުކަޒު) ހެލްތު މިނިސްޓްރީގެ ދަށުން ނެގުމަށްފަހު މިއަދު އަލުން ހުޅުވައިފި އެވެ.
ތިނަދޫ މީހުން ރަށުން ބޭރު ކުރުމަށް ފަހު އަލުން އާބާދުވާން ފެށިތާ 25 އަހަރު ފުރުން ފާހަގަ ކުރުމުގެ ގޮތުން ތިނަދޫ ގެ ރައްޔިތުން އަމިއްލަ ޚަރަދުގައި އިމާރާތް ކުރި ދަރުބާރުގެ ތިނަދޫ ކައުންސިލްއިން ހެލްތު މިނިސްޓްރީ އާއި ޙަވާލު ކުރީ ކޮވިޑް-19 ޙާލަތު ގައި ފެސިލިޓީ އެއް ހަދަން ވެގެންނެވެ.
ތިނަދޫ ކައުނަސިލުން އެތަން އަނބުރާ ހޯދީ އެ އިމާރާތް އެއްވެސް ގޮތަކަށް ނުބަލަހައްޓާތީ އާއި އެތަން ވީރާނާ ވެދާނެތީ އެވެ. ފެސިލިޓީ އެއް ހަދަން އިމާރާތަށް ބޮޑެތި ބަދަލު ގެނެސްފައި ހުރި ނަމަވެސް ތިނަދޫ ކައުނަސިލުން އެތަން އަލުން ބޭނުން ކުރަންފެށީ ކުރިން ވެސް ބޭނުން ކުރި ޖަލްސާ ކުރާ ހޯލު ކުޑަ ތަންކޮޅެއް ކުޑަ ކުރުމަށް ފަހު ހޯލެއްގެ ގޮތުގައި ބޭނުން ކުރެވޭ ގޮތަށެވެ. ތިނަދޫ އާބާދީ މަރުކަޒު އަލުން ހުޅުވުމުގެ ގޮތުން މިއަދު ވަނީ ކައުންސިލް ގެ 2023 ވަނަ އަހަރުގެ ޤުރުއާން މުބާރާތް އެ އިމާރާތްގެ ޖަލްސާކުރާ މާލަމުގައި ފަށާފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.