ރައްޔިތުން މަޖިލީހުގެ މިހާރު ހުއްޓިފައިވާ ޖަލްސާތައް ނިިންމުމަކަށް ގެނެސް މަހޖިލީހުގެ ރިޔާސަތާތި ހަވާލުވެ ދެއްވުމަށް މަޖިލީހުގެ ރައީސް، މުހައްމަދު ނަޝީދުގެ އަރިހުން އިދިކޮޅު މެންބަރުން އެދިއްޖެއެވެ.
މަޖިލީހުގެ ޖަލްސާތައް ހުއްޓިފައިވަނީ، ނަޝީދުގެ އިތުރުން މަޖިލީހުގެ ނައިބު ރައީސް އީވާ އަބްދުﷲގެ އިތުބާރު ނެތް ކަމުގެ މައްސަލަ އެމްޑީޕީން އިސްވެ ހުށަހެޅުމާއި ގުޅިގެންނެވެ. އެ މައްސަލައާއި ގުޅިގެން މަޖިލީހުގެ ރައީސް މުހައްމަދު ނަޝިދު ވަނީ މަޖިލީހުގެ ރިޔާސަތުގައި އިންނަވަން އުޒުރުވެރިވެ ވަޑައިގަންނަވާކަމަށް ބުނެފައެވެ.
އެމްޑީޕީގެ އިސް މެމްބަރުން ބުނެފައިވާ ގޮތުގައި ނަޝީދު އެފަދައިން އަމަލުތައް ބަހައްޓަވަނީ މަޖިލީހަށް އެމްޑީޕީން ހުށަހަޅާފައިވާ މައްސަލަ ކުރިއަށް ނުގެންދެވުމަށެވެ. މަޖިޅިކހުގެ ރިޔާސަތު ބަލަހައްޓާނެ ފަރާތެއް ނެތިވެގެން އިއްޔެއާއި މިއަދުގެ ޖަލްސާ ތާވަލުކޮށްފައެއް ނުވެއެވެ. މަޖިލީހުގެ ޖަލްސާތައް ހުއްޓިފައިވުމުން އެކަމާ ކަންބޮޑުވުން ފާޅުކޮށް އިދިކޮޅު ޕީޕީއެމްގެ ފަރާތްތައް ވަނީ މިއަދު މަޖިލީސް ކައިރިއަށް ވަޑައިގެންފައެވެ. ނަމަވެސް މަޖިލީސް ތަޅުލާފައި ހުރުމުން ވަދެވަޑައެއް ނުގަނެވުނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.