ރައްޔިތުން މަޖިލީހުގެ ރައީސް މުހައްމަދު ނަޝިދު އެެމްޑީޕީން ވަކިވެވަޑައިގެންފިއެވެ.
ނަޝީދު އެމްޑީޕީއަށް ފޮނުވި ސިޓީއެއްގައި ވިދާޅުވީ ގައުމުގެ ހާލަތު މިވަގު އޮތް ގޮތުން، އެމްޑީޕީގައި މިވަގުތު ހުންނެވުމަކީ އެންމެ ރަނގަޅު ގޮތް ކަމަށް ފެނިވަޑައިނުގަންނަވާ ކަމަށެވެ. މީގެ އިތުރުން ނަޝީދު އެމްޑީޕީއަށް ފޮނުވި ސިޓީ ވަނީ ޓުވިޓާގައި އާންމު ކުރައްވާފައެެވެ.
https://twitter.com/MohamedNasheed/status/1671439120491749376?s=20
ނަޝީދުއަކީ އެމްޑީޕީގެ ބާނީ އަދި އެމްޑީޕީގެ ރައީސް އެވެ. އެމްޑީޕީން ވަކިވެޑައިގަތުމުން، އެ ޕާޓީގެ ރައިސްގެ މަގާމުންވެސް އެ މަނިކުފާނު ވަނީ ވަކިވެފައެވެ.
މީގެ އިތުރުން މީގެ ދެދުވަސް ކުރިން ބޭއްވި ނޫސްވެރިންގެ ބައްދަލުވުމެއްގައި މި ސަރުކާރު ތެރެއިން އަސާސީ ހައްގުތައް ހިފަހައްޓާތީ އެމްޑީޕީގައި ހުންނަން ދަތިވާ ކަމަށްވެސް އެމަނިކުފާނުް ވަނީ ވިދާޅުވެފައެވެ. އަދި އެ ފަދަ ކަންތައްތަކަކީ ކުރަން ވަރަށް އުނދަގޫ އަދި ހިތާމަ ކުރާ ކަންތައްތަކެއް ަކަމށްވެސް ނަޝީދު ވަނީ ވިދާޅުވެފައެވެ.
އެމްޑީޕީގެ ރިޔާސީ ކެންޑިޑޭޓްކަން 2008 އަދި 2013 ގެ ރިޔާސީ އިންތިހާބުގައި ވާދަކުރެއްވި ނަޝީދު އަދި އެމްޑީޕީގެ ފުރަތަމަ ސަރުކާރުގެ ފުރަތަމަ ރައީސުލްޖުމްހޫރިއްޔާގެ މަގާމު ފުރުއްވި ނަޝިދުގެ ބާރު އެ ޕާޓީގައި ގެއްލެއް ފެށީ 2018 ވަނަ އަހަރުގެ ރިޔާސީ ޓިކެޓް ރައީސް އިބްރާހިމް މުހައްމަދު ޞޯލިހަށް ދޫކޮށްލެއްވި ފަހުންނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.