ރާއްޖެއިން ހައްޖަށް ދިޔަ އިތުރު މީހަކު ނިޔާވެއްޖެ

މިއަހަރުގެ ހައްޖުގެ އަޅުކަން އަދާކުރުމަށް ރާއްޖެއިން ހައްޖަށް ދިޔަ އިތުރު މީހަކު މިރޭ ނިޔާވެއްޖެއެވެ.

މިރޭ ނިޔާވެފައިވަނީ ދ. މާއެނބޫދޫ، ފިޔާތޮށިގެ، އުމުރުން 72 އަހަރުގެ އަލީ ހަސަން އެވެ. ދިވެހި ހައްޖު މިޝަން އިން ބުނި ގޮތުގައި މައްކާގެ ސައުދީ ޖާމަން ހޮސްޕިޓަލުގައި ފަރުވާދެމުން ދަނިކޮށް ހަސަން އަލީ މަރުވީ ރާއްޖެ ގަޑިން 6:17 ގައެވެ.

އަލީ ހަސަން ހައްޖަށް ދިޔައީ ސަރުކާރުގެ ހައްޖު ކުންފުނި މޯލްޑިވްސް ހައްޖު ކޯޕަރޭޝަންގެ ހަވާލުގައެވެ.

ރާއްޖެއިން ހައްޖަށް ދިޔަ މީހުންގެ ތެރެއިން އެކަކު މަރުވެފައި އޮއްވާ ވަނީ ފެނިފައެވެ. ރ. މާކުރަތު މުހައްމަދު ނަސީމް އަލީ އެވެ. މަރުޙޫމު މުޙައްމަދު ނަސީމު ޢަލީ ވަނީ ޙައްޖު މަހުގެ 8 ވަނަ ދުވަހުގެރޭ މިނާ ޓެންޓުން ނިކުންނެވި ފަހުން ވީނުވީއެއް ނޭނގި ގެއްލިފައެވެ.

މުޙައްމަދު ނަސީމް ޢަލީ ހޯދުމަށް ދިވެހި ޙައްޖު މިޝަނާއި، ސަޢުދީ ޢަރަބިއްޔާގައި ހުންނަ ދިވެހިރާއްޖޭގެ އެމްބަސީ އާއި، އަލްޙަރަމައިން ކުންފުނިން ސައުދީ އަރަބިއްޔާގެ ކަމާބެހޭ ފަރާތްތަކާ ގުޅިގެން ދިޔައީ މަސައްކަތް ކުރަމުންނެވެ.

ރާއްޖެއިން މި އަހަރު ހައްޖަށް ދިޔަ މީހުންގެ ތެރެއިން ދެ މީހަކު މަރުވެފައިވާއިރު ދެ ހާޖީއެއްގެ ހާލު ދެރަވެ އައިސީޔޫގައި ދަނީ ފަރުވާ ދެމުންނެވެ. ހާލު ދެރަވެގެން ފަރުވާ ދެނީ ދޮށީ އުމުރުގެ ދެ މީހަކަށެވެ. އެކެއްގެ އުމުރަކީ 85 އަހަރެވެ. އެއީ ފިރިހެނެކެވެ. ދެން ހިމެނެނީ 58 އަހަރުގެ އަންހެނެކެވެ.