މާލޭގެ ސްޕާއެއްގެތެރޭ ހަށިވިއްކާ ކަމުގެ މައުލޫމާތު ލިބިގެން ފުލުހުން ހިންގި އޮޕަރޭޝަންއެއްގައި މިދިޔަ ބުރާސްފަތި ދުވަހުގެ ރޭ ފަސް މީހަކު ހައްޔަރުކޮށްފިއެވެ.
ފުލުހުން މައުލޫމާތު ދިން ގޮތުގައި ފަސް މީހަކު ހައްޔަރުކޮށްފައިވަނީ މާލޭގައި ހިންގަމުންދާ އަލޯރާ ސްޕާ އެންޑް ސެލޯންއިންނެވެ.
ހައްޔަރު ކުރި މީހުންގެ ތެރޭގައި ހިމެނެނީ ދިވެހި ދެ ފިރިހެނުންނާއި ބިދޭސީ ތިން އަންހެނުންނެވެ.
ހައްޔަރުކޮށްފައިވާ ދިވެހި ދެ ފިރިހެނުންނަކީ 38 އަހަރު އަދި 39 އަހަރުގެ ދެމީހުންނެވެ.
މި މައްސަލާގައި ހައްޔަރު ކުރި ބިދޭސީ ތިން އަންހެނުންގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހާފައެވެ. އަދި 38 އަހަރުގެ ދިވެހި ފިރިހެން މީހާގެ ބަންދަށް 10 ދުވަސް ޖަހާފައިވާއިރު، 39 އަހަރުގެ ފިރިހެންމީހާގެ ބަންދަށް ޖަހާފައިވަނީ 5 ދުވަހެވެ.
ފުލުހުންގެ އިންޓެލިޖެންސާއި، ސްޕެޝަލް އޮޕަރޭޝަންއާއި، އެންޓި ހިޔުމަން ޓްރެފިކިންގެ އިތުރުން، މޯލްޑިވްސް އިމިގްރޭޝަން ގުޅިގެން މި ފަސް މީހުން ހައްޔަރުކުރި އިރު، އެމީހުން ތިބާ ނިވާކަން ކުޑަކޮށް ކަމަށް ފުލުހުން މައުލޫމާތު ދެއެވެ.
މީގެ ކުރިންވެސް މިފަދައިން ހަށި ވިއްކުމުގެ އެތައް މައްސަލައެއް ފުލުހުންނަށް ރިޕޯޓްކުރެވި، އަދި އަތުލައިގެންފައިވެއެވެ.
ޚިޔާލު (1)
ތިޔަ މަސާޖް ޕާލާ ތަކާ ސްޕާ ތައް ބަންދު ކޮއްފަ އެކަން ކުރަން ގެނެސް ތިބި ބަޭރު މީހުން ތައް ރާއްޖެ ނާދެވޭ ގޮތައް ފޮނުވާލަބަ. އޭރުން ތިޔަ ކަންތައް ހައްލު ވެދާނެ.